Хуссар Иры Ленингоры районы дæрддзæф хъæуы фыццаг хатт фæзынд мобилон бастдзинад

© Sputnik / Алексей Ковалев"Мегафон-Хуссар Ирыстон"
Мегафон-Хуссар Ирыстон - Sputnik Хуссар Ирыстон, 1920, 05.08.2022
Бафыссын
Yandex newsTelegram
ЦХИНВАЛ, 5 авг – Sputnik, Козаты Диана. Республикæйы мобилон бастдзинады иунæг оператор "Мегафон-Хуссар Ирыстон" сарæзта Ленингоры районы дæрддзæф хъæуты мобилон бастдзинад, фехъусын кодта компанийы специалист æхсæнадимæ бастдзинæдты фæдыл Бежанты Зæринæ.
Мобилон бастдзинады лæггæдтæй фыццаг хатт пайда кæнын райдыдтой Ленингоры районы Балааны цæрджытæ.

"Компани эксплуатацимæ радта базон станц Балааны хъæуы. Ныр цæрджытæн уыдзæн фадат пайда кæнын мобилон бастдзинадæй æмæ Интернетæй 15 Мбит/с тагъдадимæ", - загъта Бежанты Зæринæ.

Уый ма банысан кодта, сæйраг здæхттæй иу, 2022 азы компанийы техникон райрæзты нывæзтмæ гæсгæ у фæхуыздæр кæнын хызæджы гъæд Ленингоры районы.
"Мах æмбарæм, ацы районы кæй хъæуы компанийы уæлдай хъусдард. Балааны хъæуы ног базон станцы куысты руаджы фыццаг хатт фæзынд мобилон бастдзинад. Захъхъоры хъæуы ныры онг уыд æрмæст мобилон бастдзинад. Æввахс рæстæджы мах нывæндæм бакæнын 3G хызæг Захъхъоры базон станцы бындурыл, уый фæстæ цæрджытæ пайда кæндзысты æмбæлон æмвæзадыл интернетæй дæр", - загъта Бежанты Зæринæ.
Специалист бафтыдта, зæгъгæ, компанийæн ахсджиаг у, цæмæй республикæйы цæрджытæн фадат уа пайда кæнын гъæдджын мобилон бастдзинадæй Хуссар Ирыстоны алкæцы районы дæр.
Ног хабӕртты лентӕ
0