Ленингоры районы мидхъуыддæгты хайад хатдзæгтæ скодта æрдæг азы куыстæн

© Sputnik / Ада БагианЛенингоры район
Ленингоры район  - Sputnik Хуссар Ирыстон, 1920, 05.08.2022
Бафыссын
Yandex newsTelegram
ЦХИНВАЛ, 5 авг - Sputnik. Хуссар Ирыстоны Ленингоры районы ацы азы æхсæз мæймæ фыдракæндтæ регистрацигонд не рцыд. Фарон азы аналогион периоды районы территорийыл сбæлвырд кодтой æртæ фыдракæнды. Уый тыххæй дзырд цыд районы мидхъуыддæгты хайады рабадтыл æрдæг азы куысты фæдыл, хъусын кæны республикæйы Мидхъуыддæгты министрады (МХМ) пресс-службæ.

"Дæлхайады кусджытæ оперативон архайд кодтой æмбæстæгты хъусинæгтæ æмæ куырдиæтты фæдыл, ауагътой къорд организацион æмæ практикон мадзалы", - дзырдæуы хъусинаджы.

Афтæ ма Ленингоры районы фæндæгтыл æрдæг азмæ регистрацигонд не рцыд фæндагон-транспортон цаутæ. Фарон азы аналогион периоды районы фæндæгтыл æрцыд дыууæ аварийы.
Уагдоны ма банысан кодтой, кæй фæкъаддæр шофырты нымæц, кæцытæ скъæрдтой автотранспорт нозтджынæй. Æрдæг азмæ милицийы кусджытæ сбæрæг кодтой фæндагон змæлды 353 фæткхалды. Цыппар шофыр скъæрдтой автотранспорт нозтджынæй.
Ног хабӕртты лентӕ
0