Цхинвалы байгом ирон адӕмы геноцидӕн нывонд равдыст

© SputnikЦхинвалы байгом ирон адӕмы геноцидӕн нывонд равдыст
Цхинвалы байгом ирон адӕмы геноцидӕн нывонд равдыст - Sputnik Хуссар Ирыстон, 1920, 08.08.2022
Бафыссын
НовостиTelegram
ЦХИНВАЛ, 8 авг – Sputnik, Гӕбӕраты Элина. Цхинвалы паддзахадон киноконцертон зал "Чермен"-ы байгом ис равдыст "Геноцид нывгӕнджыты цӕстӕнгасӕй". Культурон мадзалмӕ бацыдысты паддзахады къухдариуӕггӕнджытӕ, афтӕ ма столицӕйы цӕрджытӕ ӕмӕ уазджытӕ.
"Цыппӕрдӕс азы размӕ нӕ райгуырӕн бӕстӕ бавзӕрста ӕвирхъау цаутӕ. Хуссар Иры, ӕвӕццӕгӕн, ахӕм бинонтӕ нӕ разындзӕн, кӕцытыл нӕ бандӕвта хӕст. Абон нӕ разы лӕууы хӕс - нӕ зӕрдыл дарӕм ӕппӕт уыцы адӕмы, кӕцытӕ сӕ сӕртӕ нывондӕн ӕрхастой уыцы бонты ӕмӕ саразмӕм ӕппӕт дӕр, цӕмӕй нӕ сывӕллӕттӕ ахӕм фыдӕбӕттӕ макуыуал бавзарой". - загъта президент Гаглойты Алан.
Ӕрӕмбырдуӕвджыты раз ма ралӕууыдысты республикӕйы фыццаг президент Цыбырты Людвиг ӕмӕ Культурӕйы министрады минӕвар Кацты Филипп.
© SputnikЦхинвалы байгом ирон адӕмы геноцидӕн нывонд равдыст
В Цхинвале открылась выставка, посвященная геноциду осетинского народа - Sputnik Хуссар Ирыстон, 1920, 08.08.2022
Цхинвалы байгом ирон адӕмы геноцидӕн нывонд равдыст
Равдысты фенӕн ис Ӕлборты Ӕхсӕртӕджы, Дзӕгъиаты Альбинӕйы, Сабанты Анжелӕйы, Джуссойты Иналы куыстытӕн. Нывтӕ ӕвдисынц хӕсты пырхӕнтӕ, цард ӕмӕ сӕрибардзинады сӕраппонд тох, ирд фидӕны ныфсытӕ.
© Sputnik / Natalia AiriyanЦхинвалы байгом ирон адӕмы геноцидӕн нывонд равдыст
В Цхинвале открылась выставка, посвященная геноциду осетинского народа - Sputnik Хуссар Ирыстон, 1920, 08.08.2022
Цхинвалы байгом ирон адӕмы геноцидӕн нывонд равдыст
Йӕ куыстыты тыххӕй журналисттӕн радзырдта республикӕйы сгуыхт ахуыргӕнӕг Дзӕгъиаты Альбина. Уый банысан кодта, нывтӕ иууылдӕр кӕй дзурынц ӕнусы дӕргъы ирон адӕмы хъизӕмӕрттыл.
"Абон ма равдысты ис нӕ хӕлар, патриот, дзӕнӕттаг Джуссойты Иналы (Беге) нывтӕ. Йӕ куыстыты бӕрӕгӕй зыны йӕ патриотизм, уый канд фыдыбӕстӕ хъахъхъӕнӕг нӕ уыд, фӕлӕ ма ирон аивад, ирон культурӕйы ӕнувыд парахатгӕнӕг дӕр", - загъта нывгӕнӕг.
Хуссар Ирыстоны абон мысынц сабыр цӕрджыты, фидауынгӕнджыты, Хуссар Ир ӕмӕ Уӕрӕсейы ӕфсады службӕгӕнджыты, кӕцытӕ фӕмард сты 2008 азы августы гуырдзиаг агрессийы фӕстиуӕгӕн.
© Sputnik / Natalia AiriyanЦхинвалы байгом ирон адӕмы геноцидӕн нывонд равдыст
В Цхинвале открылась выставка, посвященная геноциду осетинского народа - Sputnik Хуссар Ирыстон, 1920, 08.08.2022
Цхинвалы байгом ирон адӕмы геноцидӕн нывонд равдыст
Ног хабӕртты лентӕ
0