УФ авиаци скуынӕг кодта украинӕйаг бригадӕйы фылдӕр хай ӕмӕ ӕрӕппӕрста УГТ ӕртӕ хӕдтӕхӕджы

© Sputnik / РИА Новости /  Ахизын медиабанкмæУФ авиаци
УФ авиаци - Sputnik Хуссар Ирыстон, 1920, 10.08.2022
Бафыссын
НовостиTelegram
ЦХИНВАЛ, 10 авг – Sputnik. Уӕрӕсейаг уӕлдӕфон-космикон тыхтӕ скуынӕг кодтой украинӕйаг 56-ӕм мотопехотӕйон бригадӕйы 70 проценты онг Донецкаг Адӕмон республикӕйы цӕрӕн пункт Пескийы районы, авиафӕцӕфты фӕстиуӕгӕн уый фесӕфта йӕ хӕстхъомдзинад, хъусын кӕны ӕртыццӕджы УФ хъахъхъӕнынады министрад.
"Цӕрӕн пункт Пескийы районы Уӕрӕсейы УКТ фӕцӕфты фӕстиуӕгӕн йӕ хӕстхъомдзинад фесӕфта украинӕйаг 56-ӕм мотопехотӕйон бригадӕ. Къорды дӕлхайӕдӕ фесӕфтой хисӕрмагонд сконды 70 проценты онг. Чи ма сӕ баззад, уыдон ныууагътой сӕ позицитӕ ӕмӕ алыгъдысты", - хъусын кӕны РИА Новости ӕфсӕддон уагдоны бӕрӕггӕнӕнтӕ.
Уымӕй дарддӕр ма УКТ дырыс фехстӕй скуынӕг кодтой украинӕйаг 54-ӕм механизацигонд бригадӕйы 30 ӕфсӕддоны ӕмӕ ӕхсӕз минӕй фылдӕр артиллерион нӕмыгимӕ ӕфтауц, банысан кодтой министрады.

Ӕрӕппаргӕ ракетӕтӕ ӕмӕ хӕдтӕхджытӕ

Хъахъхъӕнынады министрады ма ноджы фехъусын кодтой, ивгъуыд суткӕйы уӕлдӕфон ӕрбабырсты ныхмӕ уӕрӕсейаг комплекстӕ кӕй ӕрӕппӕрстой авд ракетӕйы HIMARS Херсоны областы.
Уымӕй дарддӕр маУӕрӕсейы УКТ куынӕггӕнджытӕ ӕрӕппӕрстой ӕртӕ украинӕйаг ӕфсӕддон хӕдтӕхӕджы: иу Су-25 цӕрӕн пунка Новохристофоровкайы районы, иу МиГ-29 Троицко-Сафоновы сӕрмӕ ӕмӕ иу Су-27 та цӕрӕн пункт Новосельейы районы.
Ног хабӕртты лентӕ
0