Ирон цæсгом цæмæй конд у æмæ цы нысан кæны?

Цæсгомджын æмæ æдзæсгом
Бафыссын
НовостиTelegram
Цæсгом амоны адæймаджы сæры раззаг хай æмæ конд у дыууæ дзырдæй: "цæст" æмæ "ком"-æй. Кæй зæгъ ын æй хъæуы, цымыдисаг у: сæрыл æндæр цыдæртæ дæр зайы – роцъо, ных, фындз, рустæ, уадултæ... Фæлæ цæсго­мы ном уыдонæй нæ сырæзт.
Æцæгдæр фындз цæсгомæн йæ тæккæ астæу бады æмæ хъуамæ исты хайад райстаид цæсгомы ном саразыны. Фæлæ ницы хайад райста. Фындз уыдон цур ницыгомау у, ницы уыйбæрц кад ын ис. Куы тæдзгæ фæкæны, куы та, сæр æй кæм нæ хъæуы, уым дæр йæхи фæтъыссы.
Фæдзурынц ма: "Цæсгом армыдзаг йеддæмæ нæу... æмæ йæ бамбæрз, бамбæхс, ма йæ суадз, ма йæ æвдис". Æмæ ноджы: "Уымæн фидар цæсгом ис кæнæ фидар цæсгомы хицау у". Афтæ фæзæгъынц æдзæсгомæй. Ахæмæн йæ цæсгом алцыдæр хъæцы, ома, æфсæрмытæ нæ зоны, лыстæджытæ нæ луары. Æмæ йæ цæсгом нæ хъæцы та æфсæрмдзæстыджыны нысан у.
Гæбæраты Никъалайы чиныг "Афтæ цæмæн дзурæм"-мæ гæсгæ.
Бæстондæрæй æрмæгмæ хъусут Sputnik Хуссар Ирыстоны.
Ног хабӕртты лентӕ
0