Хуссар Иры президент снысан кодта ФХМ ног сæргълæууæджы

© Sputnik / Александр Натрускин Джиоты Æхсар
 Джиоты Æхсар - Sputnik Хуссар Ирыстон, 1920, 15.08.2022
Рафыссын
ЦХИНВАЛ, 15 авг — Sputnik. Президент Гаглойты Алан снысан кодта Хуссар Ирыстоны фæсарæйнаг хъуыддæгты министрæй республикæйы минæварады уынаффæгæнæг-минæвар Джиоты Æхсары, хъусын кæны паддзахады сæргълæууæджы пресс-службæ.
"Республикæ Хуссар Ирыстоны Конституцийы 50-æм статьяйы 7-æм пунктмæ гæсгæ снысан кæнын Джиоты Æхсары Мурæты фырты Республикæ Хуссар Ирыстоны фæсарæйнаг хъуыддæгты министрæй", - дзырдæуы барамынды тексты, кæцы мыхуыргонд æрцыд паддзахады сæргълæууæджы официалон сайтыл.
Хуссар Ирыстоны æддагполитикон уагдоны сæргъ 2017 азæй фæстæмæ лæууыд Медойты Дмитрий.

Биографион справкæ

Джиоты Æхсар Мурæты фырт райгуырд 1977 азы Цхинвалы.
Каст фæци Тыбылты Александры номыл Хуссар Ирыстоны паддзахадон университеты историон факультет.
Йæ фæллойадон архайд райдыдта 1999 азы Хуссар Ирыстоны хицауады дæлбар дины хъуыддæгты фæдыл комитеты.
2001 азы июлæй 2009 азы октябры онг уыд Хуссар Ирыстоны протоколон дæлхайады сæргълæууæг.
2009 азы октябрæй 2016 азы январы онг – Уæрæсейы Хуссар Ирыстоны минæварады паддзахадон æмæ æхсæнадон организацитимæ бастдзинады фæдыл уынаффæгæнæг.
2016 азæй фæстæмæ ныры онг – Хуссар Ирыстоны минæварады уынаффæгæнæг-минæвар.
Ног хабӕртты лентӕ
0