Хуссар Иры фæуд кæны сæйраг равдыстон залы цалцæг

© Sputnik / Natalia AiriyanХуссар Иры фæуд кæны сæйраг равдыстон залы цалцæг
Хуссар Иры фæуд кæны сæйраг равдыстон залы цалцæг - Sputnik Хуссар Ирыстон, 1920, 16.08.2022
Рафыссын
ЦХИНВАЛ, 16 авг — Sputnik, Гæбæраты Элина. Хуссар Ирыстоны дарддæр цæуы Цхинвалы центры аивадон галерейы капиталон цалцæг.
Равдыстон залы директор Бекъойты Алан куыд радзырдта Sputnik, афтæмæй куыстыты фылдæр хай ныридæгæн бакодтой, хъæуы ма фæуын мидæггагон куыстытæ æмæ фасад.

"Мах бавнæлдтам цалцæгмæ пандемийы размæ, æмæ ныр стæм кæронбæттæн этапыл. Ацы рæстæгмæ раивтам уæлхæдзар, бакодтам штукатурон куыстытæ, сæвæрдтам "хъарм пол". Дарддæр хъæуы бакусын фасадыл, фæлæ нæхи тыхтæй нæ аххæсдзыстæм ацы куыстыл", - банысан кодта Бекъойты Алан.

© Sputnik / Natalia AiriyanХуссар Иры фæуд кæны сæйраг равдыстон залы цалцæг
Ремонт выставочного зала  - Sputnik Хуссар Ирыстон, 1920, 16.08.2022
Хуссар Иры фæуд кæны сæйраг равдыстон залы цалцæг
Уый банысан кодта, залы кæй сæвæрдзысты конструкцитæ, кæцытыл ауыгъд уыдзысты нывтæ, афтæ ма тумбæтæ скульптурæтæн.
Бекъойты Алан бафтыдта, зæгъгæ, куыстытæ иууылдæр æххæст кæнынц бынæттон нывгæнджытæ. Йæ ныхæстæм гæсгæ, уыдоны фæнды бавæрын зæронд фасад, цæмæй галерей хорз фидауа Национ музейы бæстыхайимæ.

"Галерейы фасады реставрацийæн хъæуы цалдæр сæдæ мин сомы, уыййас фæрæзтæ та нывгæнджытæм нæй", - загъта уый.

Нывты галерей бахъыгдард 2008 азы хæсты рæстæджы, уæдæй фæстæмæ равдысттæ саразынц столицæйы алыхуызон бæстыхæйтты фойеты.
Бекъойты Алан банысан кодта, галерей кæй нывæндынц раттын эксплуатацимæ Республикæйы бонмæ, 20 сентябры.
© Sputnik / Natalia AiriyanХуссар Иры фæуд кæны сæйраг равдыстон залы цалцæг
Ремонт выставочного зала  - Sputnik Хуссар Ирыстон, 1920, 16.08.2022
Хуссар Иры фæуд кæны сæйраг равдыстон залы цалцæг
Ног хабӕртты лентӕ
0