Хуссар Иры райдыдтой мадзæлттæ, кæцытæ нывонд сты Хæдбардзинад банымайыны бонæн

© Sputnik / Natalia Airiyan Хæдбардзинад банымайыны бон
Хæдбардзинад банымайыны бон - Sputnik Хуссар Ирыстон, 1920, 17.08.2022
Бафыссын
НовостиTelegram
ЦХИНВАЛ, 17 авг – Sputnik. Абоны бонæй Хуссар Ирыстоны райдыдтой концерттæ, кæцытæ нывонд сты республикæйы хæдбардзинад Уæрæсейы рдыгæй банымайыны 14-æм афæдзыбонæн. Уый тыххæй Sputnik фехъусын кодта Цхинвалы администрацийы культурæ, фæсивæд æмæ спорты дæлхайады хистæр Тасойты Игорь.
"Мах абон цæуæм Знауырмæ – концерт райдайдзæн изæры авд сахатыл сæрдыгон фæзуатыл. Хайад дзы райсдзысты Икъаты Милена, Хуыгаты Сергей æмæ Дзукаты Сослан. Уыдзæн дзы уазæг Мæскуыйæ, Тасойты Георгий – Цхинвалæй рацæугæ, РАНХиГС студент. Ахæм концерттæ Хуссар Ирыстоны хæдбардзинад банымайыны бонмæ ацæудзысты республикæйы алы районы дæр", - загъта Тасойты Игорь.
Йæ ныхæстæм гæсгæ, цыппæрæмы, 18 августы Цхинвалы Театралон фæзуатыл проект "Летний кинотеатр под звездным небом"-ы фæлгæтты равдисдзысты дыууæ кинонывы. Уыдонæй иу – советон дуджы киноныв, дыккаг та уыдзæн сюрприз.
"Фæлæ уый дæр систой советон дуджы, æрмæст цæгатирыстойнаг режиссертæ", - бафтыдта уый.
Кинонывтæ горæты центры æвдисдзысты 30 августы онг. Уыцы бон та равдисдзысты киноныв, кæцы нывонд у æбæрæгæй фесæфджытæн.
Ног хабӕртты лентӕ
0