Хуссар Иры дыууæ районы цæрджытæн фадат уыдзæн бæрæг бонты хизын Гуырдзыимæ арæны сæрты

© Пресс-служба президента РЮОÆдасдзинады Совет рабадт
Æдасдзинады Совет рабадт  - Sputnik Хуссар Ирыстон, 1920, 18.08.2022
Бафыссын
НовостиTelegram
ЦХИНВАЛ, 18 авг – Sputnik. Хуссар Ирыстоны Ленингоры æмæ Дзауы районты хъæуты цæрджытæн фадат уыдзæн хизын Гуырдзыстонимæ арæны сæрты уадзæн пункт "Раздæхæн" æмæ "Переу"-ы уылты алкæцы мæйы 20-æм 30-æм нымæцмæ.
Ахæм скъуыддзаг райста Хуссар Ирыстоны Æдасдзинады Совет, кæцыйы рабадт ацыд президент Гаглойты Аланы сæргълæудæй, хъусын кæны цыппæрæмы паддзахады сæргълæууæджы пресс-службæ.
Президент куыд банысан кодта, афтæмæй ацы фарсты фæдыл паддзахады сæргълæууæгмæ бадзырдтой Ленингор æмæ Дзауы районты администрацитæ сæ цæрджыты куырдиатæй, ацы фарсты фæдыл ма бадзырдта парламенты депутат Дриаты Заза дæр.
Пресс-службæйы ма бафтыдтой, зæгъгæ, паддзахадон арæны уадзæн пункттæ бирæ рæстæг æхгæд кæй уыдысты, уый фæдыл Æдасдзинады Совет аскъуыддзаг кодта бар раттын 2022 азы 31 декабры онг хизын Гуырдзыстонимæ арæны сæрты пропусктæм гæсгæ, кæцытæн фæцис сæ архайды æмгъуыд.
Ног хабӕртты лентӕ
0