Хуссар Иры 160 адӕймагӕй фылдӕр баулӕфыдысты санаториты ӕнӕаргъ балцӕгтӕм гӕсгӕ

© Пресс-служба правительства РЮО"Ныфс"
Ныфс  - Sputnik Хуссар Ирыстон, 1920, 20.08.2022
Рафыссын
ЦХИНВАЛ, 20 авг — Sputnik, Плиты Фатимӕ. Хуссар Ирыстоны Ӕнӕниздзинад хъахъхъӕнынады министрады нывӕзтмӕ гӕсгӕ бӕстӕйы цӕрджыты хицӕн категоритӕ баулӕфыдысты Ирыстоны улӕфӕндӕттӕ "Ныфс", "Урсдон" ӕмӕ "Тамиск"-ы, фехъусын кодта министры хӕдивӕг социалон фарстыты фӕдыл Сиукъаты Наира.
Ӕнӕаргъ балцӕгты хицау баисты хӕсты ӕмӕ куысты ветерантӕ, фыццаг ӕмӕ дыккаг къорды инвалидтӕ, Хуссар Иры хӕстон цӕфты фӕстӕ чи фӕсахъат ис, ковид уӕззауӕй чи рахаста, райгуырдӕй сахъат сывӕллӕттӕ ӕмӕ ӕндӕртӕ.

"Ацы бонты мах арвыстам Цӕгат Ирыстоны "Тамиск" ӕмӕ "Урсдон"-мӕ 60 адӕймагӕй фылдӕр. Хуссар Ирыстоны"Ныфс"-мӕ та арвыстам 93 адӕймаджы. Ацы ӕртӕ санаторийы сты сезонон, уымӕ гӕсгӕ нывӕзт фӕуд кӕны", - загъта уый.

Ӕнӕниздзинад хъахъхъӕнынады министрады нывӕзтмӕ гӕсгӕ ма ацы аз Нальчикы улӕфӕндон "Радуга"-мӕ арвыстой низӕфхӕрд сывӕллӕттӕ ӕмӕ ӕххуысхъуаг бирӕсывӕллонджын бинонты зӕнӕг.
Ног хабӕртты лентӕ
0