Хуссар Иры оперативонӕй рабӕрӕг кодтой ацӕргӕ сылгоймаджы хӕдзармӕ бабырсты цау

© Пресс-служба МВД РЮОХуссар Иры оперативонӕй рабӕрӕг кодтой ацӕргӕ сылгоймагмӕ бабырсты цау
Хуссар Иры оперативонӕй рабӕрӕг кодтой ацӕргӕ сылгоймагмӕ бабырсты цау - Sputnik Хуссар Ирыстон, 1920, 23.08.2022
Бафыссын
НовостиTelegram
ЦХИНВАЛ, 23 авг — Sputnik. Хуссар Ирыстоны мидхъуыддӕгты министрады кусджытӕ ӕрцахстой республикӕйы дыууӕ цӕрмджы, кӕцытӕм зӕрдӕ ӕхсайдта пенсиисӕг сылгоймагмӕ бабырсты. Уый тыххӕй хъусын кӕны республикӕйы МХМ.
Уагдоны банысан кодтой, инцидент кӕй ӕрцыд къуырисӕры изӕрӕй - 21.00 сахатмӕ ӕввахс Знауыры районы мидхъуыддӕгты хайадмӕ бацыд хъусинаг, Фарны хъӕуы 84-аздзыд цӕрӕг сылгоймаджы хӕдзармӕ кӕй бабырыдысты ӕбӕрӕг гоймӕгтӕ.

"Цауы бынатмӕ атындзыдта хайады оперативон къорд ӕмӕ республикӕйы МХМ слестгӕнӕн-оперативон къорд, уыдон рабӕрӕг кодтой, дыууӕ абырӕджы, ацӕргӕ сылгоймагмӕ кардӕй ӕртхъирӕнгӕнгӕйӕ, кӕй байстой уымӕй 19 мин сомы ӕмӕ сӕхи бааууон кодтой", - дзырдӕуы хъусинаджы.

Оперативон кусджытӕ уайтагъддӕр сбӕрӕг кодтой ӕмӕ ӕрцахстой ацы фыдракӕнды зӕрдӕхсайгӕты - Фарны хъӕуы 25 ӕмӕ 36-аздзыд цӕрджыты.
© Пресс-служба МВД РЮОХуссар Иры оперативонӕй рабӕрӕг кодтой ацӕргӕ сылгоймагмӕ бабырсты цау
Сотрудники милиции по горячим следам раскрыли разбойное нападение - Sputnik Хуссар Ирыстон, 1920, 23.08.2022
Хуссар Иры оперативонӕй рабӕрӕг кодтой ацӕргӕ сылгоймагмӕ бабырсты цау
Медицинон басгӕрст куыд рабӕрӕг кодта, афтӕмӕй фыдгӕнджытӕ уыдысты нозтджын. Уыдон баконд ӕрцыдысты рӕстӕгмӕдарӕн изолятормӕ.
Ног хабӕртты лентӕ
0