Цхинвалы ног кæнынц уынгты рухсытæ

© Sputnik / Natalia Airiyan Цхинвал
Цхинвал - Sputnik Хуссар Ирыстон, 1920, 24.08.2022
Бафыссын
НовостиTelegram
ЦХИНВАЛ, 24 авг — Sputnik, Гæбæраты Элина. Хуссар Ирыстоны столицæйы цалцæг кæнынц горæты уынгтæ æмæ скверты рухсытæ. Цхинвалы администрацийы пресс-службæ куыд хъусын кæны, афтæмæй куыстытæ æххæст кæны паддзахадон унитарон куыстуат "Ир-дизайн".
Плафонтæ æмæ лампæтæ сног кæныны фæдыл куыст цыд горæты 30-æй фылдæр уынгыл.
"Абоны бон дыккаг кварталы рухсытæ сцалцæг кæнын фæдыл мадзæлттæ фесты, хъусын кæны "Ир-дизайн"-ы директор Кокойты Роман. Уыимæ иумæ куыст цæуы горæты цæрджыты куырдиæттимæ дæр", - дзырдæуы пресс-службæйы хъусинаджы.
Администрацийы банысан кодтой, ныртæккæ столицæйы кæй нал баззад уынгтæ, кæцыты нæ кусынц рухсытæ.
Афтæ ма Цхинвалы активонæй цæуы кæртыты хæрзарæзтады куыст. Арæзтады архайы цалцæггæнæн-арæзтадон дæлхайад. Куыстытæ цæуынц Харебаты Исахъы æмæ Нæузæххонты уынгыл. Ам ног кæнынц зæххыбын коммуникацитæ, æвæрынц бордюртæ æмæ тагъд сæвæрдзысты асфальт дæр.
Ног хабӕртты лентӕ
0