ХИПУ актёрон факультеты студенттӕ ахуыр кӕндзысты ирон музыкалон инструментыл цӕгъдын

Бафыссын
НовостиTelegram
ЦХИНВАЛ, 25 авг – Sputnik, Плиты Фатимӕ. Хуссар Ирыстоны паддзахадон университеты актерон факультеты студенттӕн бацамондзысты рагон ирон музыкалон инструменттыл цӕгъдын. Ацы нысанӕн ахуыргӕнӕн уагдон самал кодта ифтонгад, фехъусын кодта Sputnik театры аивадон къухдариуӕггӕнӕг Дзудцаты Тамерлан.
Студенттӕ ахуыр кӕндзысты цӕгатирыстойнаг дӕсны Деметы Зауыры конд дала-фӕндыртыл.
"Актёрон факультеты нывӕзты ис предмет "музыкалон инструмент". Къорд ныддихтӕ кӕнынц ӕмӕ чи ахуыр кӕны пианинойыл, чи гитарӕйыл ӕмӕ ныр сӕ нымӕцы уыдзӕн дала-фӕндыр дӕр. Музыкалон инструментӕ самал кодтой ректор Тедеты Вадимы ӕххуысӕй", - загъта уый.
Дзудцаты Тамерлан ма бафтыдта, зӕгъгӕ, актёр, кӕцы аивӕй цӕгъды ирон национ музыкалон инструментыл, уыдзӕн сценӕйы фидыц.
"Удӕгас музыкӕ кӕдфӕндыдӕр хорз рафидауын кӕны спектаклы. Нӕ актертӕ Хаситы Вильгельм, Харебаты Жан-Жак, Хуыгаты Дзамболат ӕмӕ ӕндӕртӕ арӕхсынц цӕгъдын", - бафтыдта аивадон къухдариуӕггӕнӕг.
Цхинвалы кæнынц ирон национ инструментты æрмадз - Sputnik Хуссар Ирыстон, 1920, 02.02.2021
Сывæллæтты къухæй: Цхинвалы кæнынц ирон национ инструментты æрмадз
Ног хабӕртты лентӕ
0