Хуссар Иры президент бахæс кодта ауадзын сæрибар æмæ арендæйы ист зæххыты ревизи

© Пресс-служба президента РЮОВстреча президента Алана Гаглоева с фермерами Цхинвальского и Знаурского районов РЮО
Встреча президента Алана Гаглоева с фермерами Цхинвальского и Знаурского районов РЮО  - Sputnik Хуссар Ирыстон, 1920, 25.08.2022
Бафыссын
НовостиTelegram
ЦХИНВАЛ, 25 авг - Sputnik. Хуссар Ирыстоны президент Гаглойты Алан бахæс кодта ауадзын хъæууонхæдзарадон зæххыты ревизи Цхинвалы æмæ Знауыры районты, цæмæй сбæрæг кæной, цас дзы ис уыдонæй сæрибар æмæ куыд пайда кæнынц арендæмæ лæвæрд зæххытæй. Ахæм фæдзæхст паддзахады сæргълæууæг радта фембæлды рæстæджы фермертимæ, кæцытæ арендæйы исынц зæххытæ ацы районты, хъусын кæны президенты пресс-службæ.
"Компани "Южный сад"-ы филиалы фæктъуыты дыргъдон Цъунары хъæуы уæрæх кæны йæ плантацитæ. Рауагъддад кæй фылдæр кæны, уый фæдыл ацы уæлæмхасæн зæххытæм хауынц фадгуытæ, кæцытæ раздæр куыстой фермертæ. Районон администрациты разамонджытимæ рабадты рæстæджы президент йæ хъусдард аздæхта проблемæтæм, кæцытæ фæзынынц арендæйы райсгæ зæххытæн документтæ саразынимæ. Президент радта фæдзæхст, цæмæй ауадзой ревизи, сбæлвырд кæной сæрибар зæххыты фæзуат", - банысан кодтой пресс-службæйы.
Президенты ныхæстæм гæсгæ, "арендæйы райсгæ зæххыты фылдæр хайыл нæ кусынц, фыст нæ цæуы арендон фиддон дæр".
"Ацы зæххытæ райсдзысты æмæ сæ ратдзысты адæмæн, кæцытæ цæттæ сты кусынмæ", - бафтыдта Гаглойты Алан.
© Пресс-служба президента РЮОВстреча президента Алана Гаглоева с фермерами Цхинвальского и Знаурского районов РЮО
Встреча президента Алана Гаглоева с фермерами Цхинвальского и Знаурского районов РЮО  - Sputnik Хуссар Ирыстон, 1920, 25.08.2022
Встреча президента Алана Гаглоева с фермерами Цхинвальского и Знаурского районов РЮО
Президент банысан кодта, республикæйы къухдариуæгад алыхатт дæр цæттæ кæй у æнæмæнгхъæугæ æххуыс бакæнын проблемæтæ аскъуыддзаг кæнынæн æмæ фермертæн зæххы фадгуытæ рахицæн кæндзысты ревизийы хатдзæгтæм гæсгæ.
Гаглойты Алан ма бахахх кодта, кæй ис проблемæтæ хъæууонхæдзарадон техникæйы цухдзинадимæ æмæ Хуссар Ирыстоны къухдариуæгад баххуыс кæндзæн сæ аиуварс кæнынæн.
Фембæлды ма хайад райстой хъæууон хæдзарады министр Мæргъиты Алан, Цхинвалы æмæ Знауыры районты разамонджытæ Бæззаты Инал æмæ Гобозты Алан.
Ног хабӕртты лентӕ
0