Хуссар Иры президентæн фехъусын кодтой гуырдзиаг дроны тыххæй, кæцы фехæлдта арæн

© Instagram/ maxmpoweræнæпилотон тæхæг аппарат
æнæпилотон тæхæг аппарат - Sputnik Хуссар Ирыстон, 1920, 29.08.2022
Бафыссын
НовостиTelegram
ЦХИНВАЛ, 29 авг – Sputnik, Тъехты Дзерассæ. Хуссар Ирыстон æмæ Гуырдзыстоны арæныл Уисты хъæуы районы хуыцаубоны изæры сбæлвырд кодтой æнæпилотон тæхæг аппараты атахт, кæцы фехæлдта Хуссар Ирыстоны уæлдæфон арæн. Уый тыххæй президент Гаглойты Аланæн фехъусын кодта Хуссар Ирыстоны Паддзахадон æдасдзинады комитеты (ПÆК) Арæнгæрон службæйы разамонæджы хæстæ æххæстгæнæг Алиханты Валериан паддзахады сæргълæууæджы рабадты рæстæджы тыхон структурæты разамонджытимæ.
"Арæнгæрон къорд дарддæр дæр бæлвырд кæны Евроцæдисы миссийы минæвæртты архайд, кæцытæ Гуырдзыстоны МХМ кусджытимæ иумæ æххæст кæнынц видео æмæ фото цæстдард арæнгæрон зонæмæ, арæх уыдон пайда кæнынц æнæпилотон тæхæг аппараттæй" – загъта Алиханты Валериан.
Йæ ныхæстæм гæсгæ, уавæр арæныл æнæхъæн къуыри уыд стабилон.
Алиханты Валериан ма бахахх кодта, зæгъгæ, райстæуыд информаци, Гуырдзыстоны МХМ полицийы посттæ кæй æвæрынц фæндæгтыл, кæцытæ цæуынц арæнгæрон территоритæм.
"Посттæ æвæрынц боныгон цыппар адæймаджы онг. Уыдон сгарынц документтæ гоймæгтæн, кæцытæ цæуынц арæнгæрон цæрæн пункттæм, цæмæй æхсæнадон организациты минæвæрттæ уырдæм ма бацæуой æмæ акцитæ ма ауадзой", - загъта Арæнгæрон службæйы хистæр.
Афтæ ма Алиханты Валериан радзырдта президентæн, уадзæн пункттæ "Раздæхæн" æмæ "Переу"-ы баконды фæстæ падзахадон арæны уылты дыууæрдæм дæр ахызтысты 3026 адæймаджы æмæ æртæ транспортон фæрæзы. Йæ ныхæстæм гæсгæ, уадзæн пункттыл фехæлдтæ бæрæг не ‘рцыд.
Ног хабӕртты лентӕ
0