Запорожаг областы хицауад ратдзæн МАГАТЭ-йæн ЗАЭС Украинæйы рдыгæй фехсты фæдыл æвдисæнтæ

© Sputnik / Константин Михальчевский /  Ахизын медиабанкмæЗАЭС
ЗАЭС - Sputnik Хуссар Ирыстон, 1920, 29.08.2022
Бафыссын
НовостиTelegram
ЦХИНВАЛ, 29 авг – Sputnik. МАГАТЭ миссийæн ратдзысты бæрæггæнæнтæ Запорожаг АЭС Украинæйы рдыгæй фехсты цауты фæдыл. Уый тыххæй РИА Новости фехъусын кодта Запорожаг областы администрацийы сæйраг советы уæнг Владимир Рогов.
"Мах ратдзыстæм алы информаци дæр атомон станц Украинæйы рдыгæй фехсты фæдыл. Æвдисæнты базæ махæн у æмбырд" – загъта Рогов.
Йæ ныхæстæм гæсгæ, МАГАТЭ миссийы балмæ тынг æнхъæлмæ кæсынц, цæмæй уый сæххæст кæна йæ профессионалон хæслæвæрдтæ æмæ баххуыс кæна атомон станцы æдас уавæртæ саразынæн.
Уый размæ МАГАТЭ генералон директор Рафаэль Гросси фехъусын кодта, организацийы мисси кæй цæуы Запорожаг атомон электростанцмæ æмæ уыдзæн уым ацы къуырийы дæргъы.
ЗАЭС ис Днепры галиу фарс горæт Энергодары цур. Уый у иууыл егъаудæр станц Европæйы йæ гуырахстмæ гæсгæ. Мартæй фæстæмæ уый ис уæрæсейаг æфсæддонты хъахъхъæнынады бын. Уæдæй фæстæмæ Украинæйы Гарзджын тыхтæ арæх фехсынц Энергодар æмæ цæрæн пункттæ, кæцытæ сты Запорожаг АЭС-мæ хæстæг.
Ног хабӕртты лентӕ
0