Ростуризмы разамонæг Дыгъуызты Зæринæ радзырдта къабазы ног фæткты тыххæй

© Sputnik / Рамиль Ситдиков /  Ахизын медиабанкмæДыгъуызты Зæринæ
Дыгъуызты Зæринæ - Sputnik Хуссар Ирыстон, 1920, 01.09.2022
Бафыссын
НовостиTelegram
ЦХИНВАЛ, 1 сен - Sputnik. Уæрæсейы туристон къабазы 1 сентябрæй сæ тыхы бахызтысты ног фæтктæ, кæцытæ здæхт сты лæггæдты гъæд фæхуыздæр кæнынмæ æмæ туристты æдасдзинадмæ, радзырдта Ростуризмы сæргълæууæг Дыгъуызты Зæринæ.
Йæ ныхæстæм гæсгæ, туроператортæ сентябрæй фæстæмæ барвæндонæй дæтдзысты бæрæггæнæнтæ "Электронная путевка"-мæ, йæ сæйраг хæслæвæрд у туристты барты уæлæмхасæн хъахъхъæнынад æмæ туристты оперативон координаци æмæ туристты раласт экстренон уавæрты.
"Бизнесæн архайы тестон период – ацы рæстæджы туроператорты нæ æрбаздахдзысты бæрндзинадмæ, кæд æмæ дзы фехæлдтæ дæр уа: ацæугæ туроператортæн – 2023 азы 1 марты онг, мидæггагон æмæ æрбацæугæ туроператортæн та – 2023 азы 1 сентябры онг", - ныффыста Дыгъуызты Зæринæ йæ телеграмм-каналы.
Уый ма банысан кодта, Ростуризм кæй ауадздзæн æнæаргъ вебинарты сери бизнесæн.
Афтæ ма Ростуризм бакодта экскурсоводтæ æмæ гидтæ-тæлмацгæнджыты Иугонд федералон реестр. Цæмæй уырдæм бахизай, уый тыххæй хъæуы рацæуын аттестаци – 2023 азы 1 июлы онг уый уагъд цæудзæн барвæндонæй, уый фæстæ суыдзæн æнæмæнгхъæугæ.
Ног хабӕртты лентӕ
0