Урокты фӕстӕ та кӕдӕм? Цы ӕнхъары Цхинвал уӕлӕмхас ахуырады фадыджы

© Sputnik / Наталья АйриянСывӕллӕтты сфӕлдыстадон галуан
Сывӕллӕтты сфӕлдыстадон галуан - Sputnik Хуссар Ирыстон, 1920, 09.09.2022
Бафыссын
НовостиTelegram
ЦХИНВАЛ, 9 сен– Sputnik, Плиты Фатимӕ. Хуссар Ирыстоны столицӕйы 1 700 скъоладзауы архайынц уӕлӕмхас ахуырады фадыджы, уыдон цӕуынц Сывӕлӕтты сфӕлдыстады галуанмӕ, Ӕвзонг техникты станцмӕ ӕмӕ Ӕвзонг натуралистты станцмӕ.
Ахуырады министрады бӕрӕггӕнӕнтӕм гӕсгӕ, ӕппӕт республикӕйы архайы ӕхсӕз уагдоны, кӕцытӕ здӕхт сты уӕлӕмхас ахуырады къабазмӕ. Уыдонӕй ӕртӕ ис Цхинвалы.
Скъоладзаутӕн равзарӕн ис 60 кружок, баиугӕнд ӕмӕ къордӕй.
"Хицӕн кружоктӕ ӕмӕ къордтӕм ӕппӕт республикӕйы цӕуы 2 мин 380 скъоладзауы. Иууыл егъаудӕр контингент ис Сывӕллӕтты сфӕлдыстадон галуанӕн, уырдӕм цӕуы мин сывӕллонӕй фылдӕр. Ӕвзонг натуралисттӕм цӕуы - 491 скъоладзауы, 220 та Ӕвзонг техникты станцмӕ. Уыдон сты 2021-22 ахуыры азы бӕрӕггӕнӕнтӕ", - загъта ахуырады министрады уӕлӕмхас ахуырады хайады гӕс Джиоты Эльза.
Уӕлӕмхас ахуырады уагдӕттӕ ма ис ӕртӕ районы дӕр - Ленингор, Дзау ӕмӕ Знауыры.
Джиоты Эльзайы ныхӕстӕм гӕсгӕ, ацы уагдӕтты фӕрцы скъоладзаутӕ равзарынц фидӕны професси.
"Секциты фӕрцы сывӕллӕттӕн райхӕлы сӕ курдиат сфӕлдыстадон ӕмӕ техникон хӕххытыл", - бафтыдта уый.
Столицӕйы уӕлӕмхас ахуырады ӕртӕ уагдонӕй алкӕмӕн дӕр ис йӕхи хахх.
Джиоты Аряна  - Sputnik Хуссар Ирыстон, 1920, 07.09.2022
Хуссар Иры снысан кодтой ахуырады ног министры
Ног хабӕртты лентӕ
0