Думӕйы вице-спикер радзырда, РХИ ӕмӕ УФ ӕмгуыстады цавӕр сферӕтӕ райсдзысты ног имульс

© Sputnik / Григорий Сысоев /  Ахизын медиабанкмæУФ ӕмӕ РХИ тырысатӕ
УФ ӕмӕ РХИ тырысатӕ - Sputnik Хуссар Ирыстон, 1920, 14.09.2022
Рафыссын
ЦХИНВАЛ, 14 сен – Sputnik, Козаты Диана. Хуссар Ирыстоны хъӕуы цадӕггай бахизын глобалон гуманитарон тыгъдадмӕ, цы ран Уӕрӕсе ӕмӕ Хуссар Ирыстон кӕрӕдзи кӕндзысты ӕххӕст, загъта пресс-конференцийы Паддзахадон думӕйы вице-спикер Борис Чернышов.
Пресс-конференци Sputnik-ы ацыд ӕртыццӕджы видеохид Мӕскуы - Минск - Ереван - Цхинвал - Сухум форматы. Уынаффӕйы темӕ уыд Уӕрӕсейы гуманитарон политикӕйы приоритетон хӕстӕ фӕсарӕнты.
© Sputnik / Natalia AiriyanВидеохид Борисом Чернышовимӕ
Видеомост с Борисом Чернышовым  - Sputnik Хуссар Ирыстон, 1920, 14.09.2022
Видеохид Борисом Чернышовимӕ
Чернышов радзырдта, ӕмгуыстады цавӕр къабӕзтӕ Уӕрӕсе ӕмӕ Хуссар Ирыстоны хсӕн райсдзысты ног импульс фӕсарӕнты УФ Гуманитарон политикӕйы концепцийы фӕрцы, уый тыххӕй.
Йӕ хъуыдымӕ гӕсгӕ, фыццаг рады уыдон сты ахӕм фӕдыздӕхттӕ, куыд ахуырад, культурӕ, фӕсивӕдон политикӕ ӕмӕ туризм.
"Уазӕгуаты уӕм куы ӕрцыдтӕн, уӕд ӕз бафтыдтӕн дисы. Уый цалдӕр азы размӕ уыд. Фӕлӕ уӕм цыхуызӕн ӕнахуыр ӕрдз ис, раст цыма аргъӕутты бӕстӕмӕ бахаудтӕн", - загъта уый.
Вице-спикер банысан кодта, зӕгъгӕ, хӕрам бӕстӕты нӕ фӕнды, цӕмӕй сӕм цӕуой бӕлццӕттӕ Уӕрӕсейӕ, фӕлӕ уымӕй уыцы бӕстӕтӕ сӕхӕдӕг ноджы фылдӕр фесафдзысты.
"Мах хъуамӕ цӕуӕм нӕ регионтӕм, рӕзын кӕнӕм мидӕггагон туризм. "Росмолодежь"-ӕн ис тынг хорз программӕ "Больше, чем путешествие", уырдӕм хъӕуы ӕрбаиу кӕнын Хуссар Ирыстон ӕмӕ Абхазы дӕр. Сымахмӕ цыдысты тынг цымыдисон ӕмӕ ӕнахуыр историон цаутӕ. Цхинвалмӕ ӕрцӕугӕйӕ фенӕн ис куыд ног хӕдзӕрттӕн, афтӕ хӕсты фӕд бӕрӕгӕй кӕуыл зыны, ахӕм бӕстыхӕйттӕ дӕр. Уый ахсджиаг у алкӕцы адӕймагӕн дӕр - ӕнкъалын фӕлтӕрты бастдзинад, историйы бастдзинад", - загъта Чернышов.
Цхинвал - Sputnik Хуссар Ирыстон, 1920, 13.09.2022
Дмитрий Вольвач: Хуссар Ир ӕмӕ Уӕрӕсейы хсӕн экономикон ӕмгуыстад дӕтты хорз фӕстиуджытӕ
Уый ма банысан кодта ӕмгуыстады ноджы иу къабаз - спорт, ӕмӕ зӕрдыл ӕрлӕууын кодта, хуссарирыстойнаг спортсментӕ кӕддӕриддӕр кӕй уыдысты уӕрӕсейаг спортсменты фарсмӕ.
"Сымахмӕ ис тынг диссаджы спортивон скъола. Мӕхи цӕстытӕй йӕ куы федтон", - бафтыдта политик.
Афтӕ ма уый радзырдта, зӕгъгӕ Уӕрӕсейы къорд университеты срӕвдз кодтой стыр ӕнӕаргъ программӕ Хӕдбар Паддзахӕдты Цӕдисӕй фӕсивӕдӕн, цӕмӕй уыдонӕн уа фадат исын уӕлӕмхас ахуырад.
Ног хабӕртты лентӕ
0