Теркæй Туркмæ - Sputnik Хуссар Ирыстон, 1920
Теркæй Туркмæ
Хъусут аудиочиныг Булкъаты Михалы чиныг "Теркæй Туркмæ"-мæ Sputnik Хуссар Ирыстоны

9. Æгомыг уынаффæ. Чызг фæдисон

9. Æгомыг уынаффæ. Чызг фæдисон
Бафыссын
НовостиTelegram
Æрттивынц дардмæ арты æвзæгтæ. Лæууынц судзгæ цырæгътимæ гуыппыр хъарагъултæ, хъахъхъæнынц Хæйрæджыты комы калд джауырты. Арты рухсмæ æнахуыр æрттывд кæнынц Раздзоджы цæстытæ. Абоны тохы нывтæ йæ цæстытыл ауайынц æмæ фæбузныг вæййы, йæхицæй нæ, фæлæ хæхтæй, йæ хæстонты йын зын сахаты чи бафснайдта, уыдонæй.
Уалынджы кæйдæр хъæрзын сæхъуыст дæлбылæй. Уыны, бæласы зæнгыл банцой кодта салдат, хохаджы æхсаргард ын йæ рæбыныл æрдавта, афтæмæй мæцы йæ туджы! Уый радзырдта тыхæй йæ кæй акодтой æфсадмæ, йæ фыды йын æрцахстой æмæ бакодтой ахæстоны. Суынгæг зæронд лæджы зæрдæ. Йæ цæстытæй дыууæ ставд цæссыджы æртылд æмæ Кузьмайы мæрдон цæсгомыл æртагъдысты.
Æхсæвы тарау, сау нымæты уыдис тыхт, æддæмæ дзы ницы зынд. Джихæй йæм кастытсты, чи йæ æрбахаста, уыдонæн се ᾿взæгтæ ныххаудтой. Æрæджиау банкъуыст уæйлаг нымæт, адæймаджы сæр дзы разынд. Уый уыд Зарæ.
Булкъаты Михал, роман "Теркæй Туркмæ". Дарддæр аудиочиныгмæ хъусут Sputnik Хуссар Ирыстоны.
Ног хабӕртты лентӕ
0