https://sputnik-ossetia.com/20220923/10-kuyl-kuy-sauadadzhy-don-brut-18857643.html

10. Кæуыл кæуы Сауададжы дон. Брут

10. Кæуыл кæуы Сауададжы дон. Брут

Sputnik Хуссар Ирыстон

Æрчъицыдта Иван Орлов. Зынæй байгом сты йæ цæстытæ. Уыны йæ сæрмæ арвы къусыл, туджы æртахау, спырх сты стъалытæ. Бæстæ цавæрдæр мæрдон сабыр ныцци. Сауададжы... 23.09.2022 мӕ, Sputnik Хуссар Ирыстон

2022-09-23T10:21+0300

2022-09-23T10:21+0300

2022-09-23T10:21+0300

теркæй туркмæ

хуссар ирыстоны

радио иронау

истори

https://cdnn1.img.sputnik-ossetia.ru/img/07e6/09/0d/18857363_28:0:1472:812_1920x0_80_0_0_c79672ffa5b0b796318d3eff2331cebf.png

Æрчъицыдта Иван Орлов. Зынæй байгом сты йæ цæстытæ. Уыны йæ сæрмæ арвы къусыл, туджы æртахау, спырх сты стъалытæ. Бæстæ цавæрдæр мæрдон сабыр ныцци. Сауададжы нарæг фæзилæны фæныхæй-ныхмæ хохагимæ. Кæрæдзимæ кардæй лæбурынтæ систой… Æмæ ныр сæ дыууæ дæр, дæларм-уæларм хæцгæйæ хуыссынц дыууæ адджын æрдхордау. Ныр бамбæрста Орлов йæ царды фæстаг минуттæ кæй æрхæццæ сты. Уæдæ цæмæн æрцыдтæн цы агурын ацы дзæгъæл комы? Загътой мын: "Туземецтæ паддзахы хъыг дарынц, паддзах та нæ фыд у æмæ йæ бахизын хъæуы". Æмæ кæд паддзах нæ фыд у, уæд алкæмæ иухуызон цæстæй цæмæннæ кæсы? Цæмæннæ баххуыс кæны мæ мæгуыр тыхст мадæн йæ уынгæджыбон? Æз цагъар дæн, мæ туг кæлы, зæхх та помещикы у. Мæнмæ дзы, æгæр-мæгуыр ингæны фаг дæр не ᾿рхауди. Мæхуызæн мæгуыртæн сæхи фаг дæр куы нæ у… Згъоры Саууададжы дон цæссыгкалгæ… Кæуы, фæлæ кæуыл? Хохагыл æви Орловыл? Æвæццæгæн сæ дыууæйыл дæр… Дæларм-уæларм Сауададжы былыл æнусон фынæй баисты дыууæ мæгуыр хъазайраджы. Раст цыма, райсом хур куы скæса, уæд, дыууæ æрдхордау, кæрæдзийы хъæбысы райхъал уыдзысты, уыйау. Булкъаты Михал, роман "Теркæй Туркмæ". Дарддæр аудиочиныгмæ хъусут Sputnik Хуссар Ирыстоны.

2022

ног хабӕрттӕ

os_OS

хуссар ирыстоны, радио иронау , истори, аудио