Хуссар Иры Ленингоры районы сарӕзтой хосгӕнӕн донгуырӕныл суадон

Рафыссын
ЦХИНВАЛ, 30 сен — Sputnik, Плиты Фатимӕ. Хуссар Ирыстоны Ленингоры районы Мордебаны хъӕуы сарӕзтой хосгӕнӕн донгуырӕныл суадон, фехъусын кодтой Sputnik районы администрацийы пресс-службӕйы кусӕг Дудайты Донна.
Хъӕу у районы центрмӕ хӕстӕг, донгуырӕны ӕвӕрццаг ӕууӕлтӕ хъуыстгонд сты рагӕй.
"Ацы доны ӕууӕлтӕ сахуыр кодтой советон рӕстӕг, ис йын специалистты хатдзӕг, кӕй дзы ис хоскӕнӕн зобӕн. Бынӕттонтӕ дзы суанг сӕ зӕнӕгӕн Дзӕуыджыхъӕумӕ дӕр ӕрвыстой. Нырмӕ йӕм ныххызӕн дӕр нӕ уыд, ныр та у хӕрзарӕзт суадон", - загъта уый.
Йӕ ныхӕстӕм гӕсгӕ, районы разамонӕг Гӕджиты Илларионы хӕслӕвӕрдмӕ гӕсгӕ, цӕрӕнуатон-коммуналон хӕдзарады минӕвӕрттӕ кусынц районы фӕндӕгтыл.
"Поселочы мидӕг фӕндӕгтӕ сты сӕ хъусдарды бын. Уымӕй дарддӕр ма хӕрзарӕзт ӕрцыд районы Сывӕллӕтты сфӕлдыстады хӕдзары алфӕмбылай", - бафтыдта Дудайты Донна.
Ног хабӕртты лентӕ
0