https://sputnik-ossetia.com/20221003/16-xvii-tstsny-bont-m-khsvt-19063728.html
16. XVII. ЦÆЦÆНЫ БОНТÆ ÆМÆ ÆХСÆВТÆ
16. XVII. ЦÆЦÆНЫ БОНТÆ ÆМÆ ÆХСÆВТÆ
Sputnik Хуссар Ирыстон
Кадетты корпусмæ йæ ахуырмæ куы арвыстой, уæд ууыл нæ хъуыды кодта, фæлæ йæ ныр базыдта: айхуызæн уавæры райгуырæн бæстæй дард цæрын йæ бон нæ уыд. 03.10.2022 мӕ, Sputnik Хуссар Ирыстон
2022-10-03T12:53+0300
2022-10-03T12:53+0300
2022-10-03T12:53+0300
теркæй туркмæ
хуссар ирыстоны
радио иронау
истори
https://cdnn1.img.sputnik-ossetia.ru/img/07e6/09/1a/19063572_28:0:1472:812_1920x0_80_0_0_1c93428ed3a7f384835b6a336c07cefc.png
16. XVII. ЦÆЦÆНЫ БОНТÆ ÆМÆ ÆХСÆВТÆ
Sputnik Хуссар Ирыстон
16. XVII. ЦÆЦÆНЫ БОНТÆ ÆМÆ ÆХСÆВТÆ
Кадетты корпусмæ йæ ахуырмæ куы арвыстой, уæд ууыл нæ хъуыды кодта, фæлæ йæ ныр базыдта: айхуызæн уавæры райгуырæн бæстæй дард цæрын йæ бон нæ уыд.Йæ бон бирæ уыд Муссæйæн, æркодта йæ Чугуевæй, ныр йæ Чысыл Цæцæнмæ минæвар рарвыста. Се ’взаг æмæ сæ фæндæгтæ сын дæ хуызæн ничи зоны, йын дзырдта. Ау, æцæг афтæ у?Æлвæст æрдынау, лæууыд æгас Цæгат Кавказ, уæлдайдæр та Цæцæн æмæ Мæхъхъæлы. Æнцон бацæуæн нæ уыд æцæгдæр уырдæм, фæлæ йæ æнæхъуаджы нæ фæдзæхста Муссæ, нæ царды фæткæй хуыздæр дæ ничи бахъахъхъæндзæн, хъæууынджы дыл куыдз рæйын дæр нæ бауадздзысты, зæгъгæ. Цъиуызмæлæг нæ зынд хъæуты, уынæр никуыцæй хъуыст, цыма куыйты дæр фæдзæхсгæ, кæнæ та бæтгæ бакодтой.Æнкъардта йæ Темырболат: уымæй йын уазæгуарз адæм æмбарын кодтой — ам дыл хъæууынджы куыдз дæр не срæйдзæн, фæлæ хъæугæ дæр ницæмæн кæныс æмæ дæхи сæлдыл айс, зæгъгæ.Цахæмдæр чысыл цæугæдоны балæгæрста Æрфæн æмæ йæ йæ къахæй ныххоста. Фæхатыд æй барæг: хайуанæн дойны уыд. Æргæпп ласта, йе ’хтæнгтæ йын суæгъд кодта. Æфсæддонтæ дæр æй бафæзмыдтой, фæлæ тæвдæй дон нуазын нæ бауагътой бæхтæн.Æрдз ын цыма бустæ кодта, Цæцæнмæ æнæхонгæйæ кæй цыд, уый тыххæй. Тархъæд бамыр ис, уынæр никуыцæй хъуыст. Æрмæст сæнтдзæф сау цъиу йæ къæс-къæсæй не ’нцад, æнæном цæугæдон йæ иугъæдон зарæг ивæзта æмæ кæцæйдæр мыдыбындзы гуыв-гуыв хъуыст, цыма кæугæ кодта."Чысыл кæй у, уымæн æй афтæ тынг уарзынц... Уымæн калынц сæ туг йæ сæрыл Раздзог, Малсæгты Тепса, Дзæрæхохты Алхаст". — Уый а бæстæй дзырдта. Хъизæмар æмæ хъазуатон тохæй йе ’рдзы зарæг æгуыппæг, хъынцъымæй йедзаг кæмæн у, уымæй.Булкъаты Михал, роман "Теркæй Туркмæ". Дарддæр аудиочиныгмæ хъусут Sputnik Хуссар Ирыстоны.
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, радио иронау , истори, аудио
хуссар ирыстоны, радио иронау , истори, аудио
Кадетты корпусмæ йæ ахуырмæ куы арвыстой, уæд ууыл нæ хъуыды кодта, фæлæ йæ ныр базыдта: айхуызæн уавæры райгуырæн бæстæй дард цæрын йæ бон нæ уыд.
Йæ бон бирæ уыд Муссæйæн, æркодта йæ Чугуевæй, ныр йæ Чысыл Цæцæнмæ минæвар рарвыста. Се ’взаг æмæ сæ фæндæгтæ сын дæ хуызæн ничи зоны, йын дзырдта. Ау, æцæг афтæ у?
Æлвæст æрдынау, лæууыд æгас Цæгат Кавказ, уæлдайдæр та Цæцæн æмæ Мæхъхъæлы. Æнцон бацæуæн нæ уыд æцæгдæр уырдæм, фæлæ йæ æнæхъуаджы нæ фæдзæхста Муссæ, нæ царды фæткæй хуыздæр дæ ничи бахъахъхъæндзæн, хъæууынджы дыл куыдз рæйын дæр нæ бауадздзысты, зæгъгæ. Цъиуызмæлæг нæ зынд хъæуты, уынæр никуыцæй хъуыст, цыма куыйты дæр фæдзæхсгæ, кæнæ та бæтгæ бакодтой.
Æнкъардта йæ Темырболат: уымæй йын уазæгуарз адæм æмбарын кодтой — ам дыл хъæууынджы куыдз дæр не срæйдзæн, фæлæ хъæугæ дæр ницæмæн кæныс æмæ дæхи сæлдыл айс, зæгъгæ.
Цахæмдæр чысыл цæугæдоны балæгæрста Æрфæн æмæ йæ йæ къахæй ныххоста. Фæхатыд æй барæг: хайуанæн дойны уыд. Æргæпп ласта, йе ’хтæнгтæ йын суæгъд кодта. Æфсæддонтæ дæр æй бафæзмыдтой, фæлæ тæвдæй дон нуазын нæ бауагътой бæхтæн.
Æрдз ын цыма бустæ кодта, Цæцæнмæ æнæхонгæйæ кæй цыд, уый тыххæй. Тархъæд бамыр ис, уынæр никуыцæй хъуыст. Æрмæст сæнтдзæф сау цъиу йæ къæс-къæсæй не ’нцад, æнæном цæугæдон йæ иугъæдон зарæг ивæзта æмæ кæцæйдæр мыдыбындзы гуыв-гуыв хъуыст, цыма кæугæ кодта.
"Чысыл кæй у, уымæн æй афтæ тынг уарзынц... Уымæн калынц сæ туг йæ сæрыл Раздзог, Малсæгты Тепса, Дзæрæхохты Алхаст". — Уый а бæстæй дзырдта. Хъизæмар æмæ хъазуатон тохæй йе ’рдзы зарæг æгуыппæг, хъынцъымæй йедзаг кæмæн у, уымæй.
Булкъаты Михал, роман "Теркæй Туркмæ". Дарддæр аудиочиныгмæ хъусут Sputnik Хуссар Ирыстоны.
