Хуссар Иры Знауыры районы сцалцӕг кодтой фӕндӕгтӕ хъӕутӕм

© Sputnik / Natalia Airiyan Фӕндаджы цалцӕг
Фӕндаджы цалцӕг - Sputnik Хуссар Ирыстон, 1920, 05.10.2022
Бафыссын
НовостиTelegram
ЦХИНВАЛ, 5 окт — Sputnik, Гӕбӕраты Элина. Хуссар Ирыстоны Знауыры районы коммуналон службӕтӕ цалцӕг кӕнынц хъӕутӕм фӕндӕгтӕ. Районон администрацийы архитектурӕ, арӕзтад ӕмӕ ЦКХ хайады сӕргълӕууӕг Сиукъаты Гога куыд радзырдта Sputnik, афтӕмӕй фӕстаг дыууӕ къуырийы дӕргъы фӕхуыздӕр кодтой фӕндагон уавӕртӕ Терегуан, Дзагъина, Кӕвдастӕу ӕмӕ Циндармӕ.
"Фӕндӕгты иумӕйаг дӕргъ у фондз километры онг. Кӕд уыдон чысыл фадгуытӕ сты, уӕддӕр уыдысты проблемон ӕмӕ зындзинӕдтӕ ӕвзарын кодтой цӕрджытӕн, уӕлдайдӕр та ӕвзӕр боныгъӕдты рӕстӕджы", - загъта уый.
Сиукъаты Гога ма бамбарын кодта, фӕндаджы фадгуытӕ кӕй цалцӕг кӕнынц цӕрджыты куырдиӕттӕм гӕсгӕ.
"Ацы бонты ма балхынцъ уыдзӕн 700 метры дӕргъӕн фӕдаг Ногхъӕуы (Алхашен) уынгтӕй иуыл", - бафтыдта хайады хистӕр.
Раздӕр ма районы сӕргълӕууӕг Гобозты Алан фехъусын кодта президентӕн, дарддӕр кӕй уадзынц хъӕуты нуазыны донӕй сифтонг кӕныны фӕдыл куыстытӕ.
Хуссар Иры районты сӕргълӕуджытӕ радзырдтой президентӕн бакӕнгӕ куысты тыххӕй - Sputnik Хуссар Ирыстон, 1920, 22.08.2022
Хуссар Иры районты сӕргълӕуджытӕ радзырдтой президентӕн бакӕнгӕ куысты тыххӕй
Ног хабӕртты лентӕ
0