Хуссар Иры барадхъахъхъӕнджытӕ уадзынц профилактикон фембӕлдтӕ скъоладзаутимӕ

© МВД Республики Южная ОсетияХуссар Иры барадхъахъхъӕнджытӕ уадзынц профилактикон фембӕлдтӕ скъоладзаутимӕ
Хуссар Иры барадхъахъхъӕнджытӕ уадзынц профилактикон фембӕлдтӕ скъоладзаутимӕ - Sputnik Хуссар Ирыстон, 1920, 06.10.2022
Бафыссын
НовостиTelegram
ЦХИНВАЛ, 6 окт — Sputnik. Прокуратурӕйы кусджытӕ ӕмӕ ӕнахъомты хъуыддӕгты фӕдыл инспектортӕ уадзынц профилактикон беседӕтӕ Хуссар Ирыстоны скъоладзаутимӕ, хъусын кӕны республикӕйы Мидхъуыддӕты министрады пресс-службӕ.
Фембӕлдты рӕстӕджы барадхъахъхъӕнджытӕ бамбарын кӕнынц ахуырдзаутӕн сӕ бартӕ ӕмӕ сӕ хӕстӕ, афтӕ ма саразгӕ фӕткӕлдты тыххӕй сӕ бӕрн дӕр.
МХМ кусджытӕ сывӕллӕтты зӕрдыл ӕрлӕууын кӕнынц, ӕвзӕр уагахаст, афтӕ ма дисциплинӕ ӕмӕ скъолайы фӕтк ма ӕххӕст кӕныны тыххӕй кӕй ис куыд административон, афтӕ уголовон бӕрн дӕр.
"Массон мадзӕлтты рӕстӕджы ӕмӕ ӕхсӕнадон бынӕтты ӕнӕуаг митӕ, уроктӕй алидзын, ӕвзӕр дзыхӕй дзурын, алкоголон нозт ӕмӕ тамако дымын, автотранспорт скъӕрын - уыдон иууылдӕр сты ӕнӕруадзгӕ хъуыддӕгтӕ. Ахӕм фӕткхӕлдты тыххӕй аххосджынтӕ хӕсдзысты юридикон бӕрн. Бӕрнмӕ ма кӕндзысты ныййарджытӕ дӕр", - радзырдта Цхинвалы мидхъуыддӕгты хайады ӕнахъомты хъуыддӕгты фӕдыл хайады сӕргълӕууӕг Гататы Лали.
Уый ӕрлӕууын кодта скъоладзауты зӕрдыл, цы ис ӕмӕ нӕй гӕнӕн скъоламӕ хӕссын ӕмӕ сӕ бахӕдзӕхста, рейдты рӕстӕджы кӕй сгардзысты ахуырдзауты рюкзактӕ.
Афтӕ ма барадхъахъхъӕнӕг органты минӕвӕрттӕ дзуаппытӕ радтой сывӕллӕтты цымыдисгӕнӕг фарстытӕн.
Ног хабӕртты лентӕ
0