https://sputnik-ossetia.com/20221011/24-xxii-tudzhy-amkhst-styrbon-19155773.html
24. XXII. ТУДЖЫ АМÆХСТ СТЫРБОН
24. XXII. ТУДЖЫ АМÆХСТ СТЫРБОН
Sputnik Хуссар Ирыстон
Æрфæны скъæрынæй нæ бацауæрста, уæддæр куыд дзырд уыдысты, афтæ изæрмæ не ’рбахæццæ ис Скъуыдкъохмæ. Æрвгæрæттæ фæбæлонгъуыз сты, кæцæйдæр сау цъиуы уасын... 11.10.2022 мӕ, Sputnik Хуссар Ирыстон
2022-10-11T15:30+0300
2022-10-11T15:30+0300
2022-10-11T15:30+0300
теркæй туркмæ
хуссар ирыстоны
радио иронау
истори
https://cdnn1.img.sputnik-ossetia.ru/img/07e6/09/1e/19155560_28:0:1472:812_1920x0_80_0_0_639e4f30cd3c4b3db5c128914f32bab5.png
24. XXII. ТУДЖЫ АМÆХСТ СТЫРБОН
Sputnik Хуссар Ирыстон
24. XXII. ТУДЖЫ АМÆХСТ СТЫРБОН
Æрфæны скъæрынæй нæ бацауæрста, уæддæр куыд дзырд уыдысты, афтæ изæрмæ не ’рбахæццæ ис Скъуыдкъохмæ. Æрвгæрæттæ фæбæлонгъуыз сты, кæцæйдæр сау цъиуы уасын хъуыст. Стыр кулдуар айразмæйау гуыдырæй æхгæд нæ уыд. Комкоммæ кæртмæ бацыд уæлбæхæй. Йæ размæ фæсдзæуинтæй чидæр рауад, Муссæ Гамзатимæ æхсæвыцъæхæй кæдæмдæр фæцыд, дзуры сыбар-сыбурæй, цыма бинонтæн райхъалæй тарстис.Йæ зæрдæ куыддæр ныссæххæтт ласта, æвиппайды фæзылдта Æрфæны, Бруты ’рдæм фæцагайдта фæллад бæхы.Ау, афтæ куы нæ уыдысты дзырдгонд. Скъуыдкъохы дæм æнхъæлмæ кæсдзынæн, зæгъгæ, йын куы дзырдта йæ мадыфсымæр. Фæлæ хæраймаг нæу! Уый йæм изæрмæ æнхъæлмæ каст, ныр та мæнæ сбон ис, æмæ уымæй Байрамы стырбон раздæр бахæццæ ис Скъуыдкъохмæ.Хур бæндæны бæрц суад арвыл. Брутæй, æндæр хæттытау, нæ хъуыст фæрæты хъæр, нæлгоймаджы уынæр, æгæрыстæмæй куыйты рæйын дæр. Уынгтæ уыдысты цахæмдæр æнахуыр æмыр-æгуыппæг.— Стырбоны хорзæх дæ уæд, мæ хъæбул! — уый йæм Æна дзырдта.Мæнæйма! Стырбонмæ цæттæ кодта Бæтæхъо йæхи, цæй фенæн ма йын уыдис. Скъæрдта Æрфæны, фæйнæрдыгæй йыл цыдис, йæ сæмæн сапонæй сæрдинаг кæмæн уыдис, ахæм уæрдæтты хъыс-хъыс, нывонд уæрыччыты бæгъ-бæгъ, зæронд лæгты æнæмæт дыгъал-дыгъул. О, зæронд лæгты! Фæсивæд æмæ сылгоймæгтыл къаддæр хæцыд цæмæндæр цæст.Кæм уыдзысты Уосмæн æмæ Темырыхъо? Кæм уыдзысты Хæмæт æмæ йæ саудзæст хо Зарæ? Кæдæм фæцыд æхсæвыцъæхæй Муссæ? Цæмæннæ йæм банхъæлмæ каст Скъуыдкъохы? Науæд кæм хæты ныртæккæ Раздзог? Цæмæннæ ссыгъта фæдисы хохыл фæдисы арт?Сегасы дæр стырбонмæ хъæуы, Сунжæйы хъæуы кæронмæ. Кæд уым нæма сты, уæд сæ æнæмæнг уырдæм хъæуы. Ды дæр скъæр Æрфæны, ма байрæджы кæн.Булкъаты Михал, роман "Теркæй Туркмæ". Дарддæр аудиочиныгмæ хъусут Sputnik Хуссар Ирыстоны.
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, радио иронау , истори, аудио
хуссар ирыстоны, радио иронау , истори, аудио
Æрфæны скъæрынæй нæ бацауæрста, уæддæр куыд дзырд уыдысты, афтæ изæрмæ не ’рбахæццæ ис Скъуыдкъохмæ. Æрвгæрæттæ фæбæлонгъуыз сты, кæцæйдæр сау цъиуы уасын хъуыст. Стыр кулдуар айразмæйау гуыдырæй æхгæд нæ уыд. Комкоммæ кæртмæ бацыд уæлбæхæй. Йæ размæ фæсдзæуинтæй чидæр рауад, Муссæ Гамзатимæ æхсæвыцъæхæй кæдæмдæр фæцыд, дзуры сыбар-сыбурæй, цыма бинонтæн райхъалæй тарстис.
Йæ зæрдæ куыддæр ныссæххæтт ласта, æвиппайды фæзылдта Æрфæны, Бруты ’рдæм фæцагайдта фæллад бæхы.
Ау, афтæ куы нæ уыдысты дзырдгонд. Скъуыдкъохы дæм æнхъæлмæ кæсдзынæн, зæгъгæ, йын куы дзырдта йæ мадыфсымæр. Фæлæ хæраймаг нæу! Уый йæм изæрмæ æнхъæлмæ каст, ныр та мæнæ сбон ис, æмæ уымæй Байрамы стырбон раздæр бахæццæ ис Скъуыдкъохмæ.
Хур бæндæны бæрц суад арвыл. Брутæй, æндæр хæттытау, нæ хъуыст фæрæты хъæр, нæлгоймаджы уынæр, æгæрыстæмæй куыйты рæйын дæр. Уынгтæ уыдысты цахæмдæр æнахуыр æмыр-æгуыппæг.
— Стырбоны хорзæх дæ уæд, мæ хъæбул! — уый йæм Æна дзырдта.
Мæнæйма! Стырбонмæ цæттæ кодта Бæтæхъо йæхи, цæй фенæн ма йын уыдис. Скъæрдта Æрфæны, фæйнæрдыгæй йыл цыдис, йæ сæмæн сапонæй сæрдинаг кæмæн уыдис, ахæм уæрдæтты хъыс-хъыс, нывонд уæрыччыты бæгъ-бæгъ, зæронд лæгты æнæмæт дыгъал-дыгъул. О, зæронд лæгты! Фæсивæд æмæ сылгоймæгтыл къаддæр хæцыд цæмæндæр цæст.
Кæм уыдзысты Уосмæн æмæ Темырыхъо? Кæм уыдзысты Хæмæт æмæ йæ саудзæст хо Зарæ? Кæдæм фæцыд æхсæвыцъæхæй Муссæ? Цæмæннæ йæм банхъæлмæ каст Скъуыдкъохы? Науæд кæм хæты ныртæккæ Раздзог? Цæмæннæ ссыгъта фæдисы хохыл фæдисы арт?
Сегасы дæр стырбонмæ хъæуы, Сунжæйы хъæуы кæронмæ. Кæд уым нæма сты, уæд сæ æнæмæнг уырдæм хъæуы. Ды дæр скъæр Æрфæны, ма байрæджы кæн.
Булкъаты Михал, роман "Теркæй Туркмæ". Дарддæр аудиочиныгмæ хъусут Sputnik Хуссар Ирыстоны.
