Хуссар Иры банысан кӕндзысты Хетӕгкаты Къостайы 163-ӕм райгуырӕн бон

© Sputnik / Natalia AiriyanХетæгкаты Къостайы цырт Цхинвалы
Хетæгкаты Къостайы цырт Цхинвалы - Sputnik Хуссар Ирыстон, 1920, 11.10.2022
Бафыссын
НовостиTelegram
ЦХИНВАЛ, 11 окт — Sputnik, Гӕбӕраты Элина. Хуссар Ирыстоны уагъд ӕрцӕудзысты мысӕн мадзӕлттӕ ирон литературон ӕвзаджы бындурӕвӕрӕг Хетӕгкаты Къостайы райгуырӕн боны цытӕн.
Республикӕйы культурӕйы министрады куыд фехъусын кодтой Sputnik, афтӕмӕй 15 октябры Паддзахадон драмтеатр равдисдзӕн кӕсджытӕн спектакль "Къоста".
"Литературон изӕр, кӕцы нывонд у Къостайы райгуырӕн бонӕн, ацӕудзӕн Анахарсисы номыл национ библиотекӕйы 14.00 сахатыл. Уым ма бакӕндзысты тематикон къуым дӕр", - радзырдтой культурӕйы министрады.
Ахуырад ӕмӕ зонады министрады информацимӕ гӕсгӕ, Хуссар Ирыстоны столицӕйы, Къостайы скверы ацӕудзӕн традицион мадзал, кӕцыйы рӕстӕджы рӕзгӕ фӕлтӕртӕн радзурдзысты зынгӕ поэты сфӕлдыстад ӕмӕ цардвӕндаджы тыххӕй, афтӕ ма бакӕсдзысты йӕ уацмыстӕ.
Хуссар Ирыстоны скъолаты та ацы датӕйы цытӕн ацӕудзысты тематикон мадзӕлттӕ ӕмӕ гом уроктӕ.
Хетӕгкаты Къостайы панно - Sputnik Хуссар Ирыстон, 1920, 12.08.2022
Нӕй нӕм ӕрмдӕснытӕ: цы хъавынц саразын Хетӕгкаты Къостайы паннойӕн Цхинвалмӕ ӕрбахизӕны
Хетæгкаты Къоста у иууыл зындгонддæр ирон фыссæг. Йе ‘мдзæвæгæтæ тæлмац æрцыдысты дунейы бирæ æвзæгтæм. Ирыстоны сабиты онг дæр ахæм адæймаг нæ баззад, кæцы нæ зоны Къостайы æмдзæвгæй иу. Йæ "Ирон фæндыр"- ы рацыды бон бындур æрæвæрдта Ирыстоны бæрæгбонон датæйæн - мадæлон æвзаджы бæрæгбон нысан цæуы 15 майы 2003 азæй фæстæмæ, уыцы бон 1899 азы мыхуыры рацыд æмбырдгонд.
Ног хабӕртты лентӕ
0