Хуссар Иры райдыдта фæззыгон тауæн кампани

© Sputnik / Александр Поготов /  Ахизын медиабанкмæХуссар Иры райдыдта фæззыгон тауæн кампани
Хуссар Иры райдыдта фæззыгон тауæн кампани - Sputnik Хуссар Ирыстон, 1920, 13.10.2022
Бафыссын
НовостиTelegram
ЦХИНВАЛ, 13 окт — Sputnik, Гæбæраты Элина. Хуссар Ирыстоны бавнæлдтой фæззыгон быдырон куыстытæм. Хъæууон хæдзарады министрад куыд хъусын кæны, афтæмæй ныртæккæ мæр цæттæ кæнынц агротехникон домæнтæм гæсгæ.
"Ныры фæззыгон-быдырон куыстытæм хъæууон хæдзарады дæлбар паддзахадон унитарон куыстуат "Ирагропромсервис" бацæттæ кодта тауæн техникæ. Хъæууонхæдзарадон техникæйы цæттæдзинад ис 80% æмвæзадыл. Абоны бон уый фаг у фæззыгон-быдырон куыстытæ сæххæст кæнынæн", - дзырдæуы хъусинаджы.
Цавӕр техникӕ ис Хуссар Ирыстоны Хъӕууон хӕдзарады министрадмӕ - Sputnik Хуссар Ирыстон, 1920, 10.10.2022
Цавӕр техникӕ ис Хуссар Ирыстоны Хъӕууон хӕдзарады министрадмӕ
Пресс-службæ куыд хъусын кæны, афтæмæй ацы аз вазыгджын проблемæ быдырон куыстытæ ауадзынæн у хусрæстæг. Сæрды æмæ фæззæджы бирæ къæвдатæ не ‘руарыд, уый та зындзинæдтæ æвзæрын кæны быдырон куыстыты комплекс сæххæст кæнынæн.
Уый размæ хъусын кодтой, ацы аз Хуссар Ирыстоны фермертæ кæй бакуыстой фылдæр быдыртæ ивгъуыд азмæ абаргæйæ. Хъæууон хæдзарады министрады информацимæ гæсгæ, кæд раздæр æрвылаз куыстой 2,5 мин гектары, уæд ныр та ацы фæзуат фæфылдæр 500 гектары бæрц. Тыллæг æмбырд кæныны куыстытæ иууылдæр æххæст кæны Хъæууон хæдзарады министрады дæлбар Паддзахадон унитарон куыстуат "Ирагропромсервис".
Ног хабӕртты лентӕ
0