Хуссар Иры столицæйы ацæудзæн Цветаевайы æмвдзæгæтæ кæсыны конкурс

© Sputnik / Владимир ВдовинМарина Цветаева
Марина Цветаева - Sputnik Хуссар Ирыстон, 1920, 19.10.2022
Бафыссын
НовостиTelegram
ЦХИНВАЛ, 19 окт – Sputnik. Цхинвалы "Уырыссаг хæдзар"-ы æмархайдæй ацæудзæн Марина Цветаевайы æмдзæвгæтæ кæсыны конкурс, кæцы нывонд у зындгонд поэтессайы райгуырдыл 130 азы сæххæстæн. Конкурсы хайад райсыны бар ис 5-11 кълæсты ахуырдзаутæн, кæцытæ дих сты æртæ кары къордыл. Уый тыххæй фехъусын кодта Хуссар Ирыстоны уæрæсейаг æмбæстæгты Координацион советы сæрдар Хъотайты Светлана.

"Ацы конкурсы нысан у зындгонд уырыссаг поэтесса Марина Цветаевайы сфæлдыстады популяризаци. Хайад дзы райсдзысты æртæ кары къорды: 5-6-æм, 7-8-æм æмæ 9-11-æм кълæстæ. Конкурсы уыдзæн дыууæ номинаци – "Цветаевайы уацмысты аивадон бакаст" æмæ "Музыкалон-литературон композици", - загъта уый.

© Sputnik / Natalia Airiyan Хъотайты Светлана
Светлана Котаева - Sputnik Хуссар Ирыстон, 1920, 19.10.2022
Хъотайты Светлана
Хъотайты Светлана куыд банысан кодта, афтæмæй конкурсы фыццаг этап ацæудзæн фæсаууон форматы.
"Сывæллæттæ хъуамæ бавдисой сæ видеотæ электронон фæрæзтæм, кæцытæм бакæсдзæн къамис. Видеоæрмæг хъæуы бавдисын 22 октябры онг, фæлæ ацы æмгъуыд гæнæн ис адарддæр уа", - загъта Координацион советы сæрдар.
Дыккаг этап ацæудзæн Цхинвалы Культурæйы хæдзары, уыцы ран ма ацæудзæн хорзæхкæныны цытджын церемони дæр.
"Хистæр кары къорды уæлахиздзаутæ ацæудзысты "Здравствуй, Россия!"-мæ 2023 азы. Аннæ кары къордты уæлахиздзаутæ райсдзысты зæрдылдарæн лæвæрттæ æмæ дипломтæ. Фæлæ алкæцы сабийы дæр схорзæхджын кæндзысты грамотæтæй конкурсы хайадисты тыххæй", - бахахх кодта Хъотайты Светлана.
Ног хабӕртты лентӕ
0