Хуссар Иры Генпрокуратурæ бакодта уголовон хъуыддаг "Водоканал"-ы раздæры директоры фæдыл

© Sputnik / Natalia Airiyan Хуссар Иры Генпрокуратурæ
Хуссар Иры Генпрокуратурæ - Sputnik Хуссар Ирыстон, 1920, 21.10.2022
Бафыссын
НовостиTelegram
ЦХИНВАЛ, 21 окт – Sputnik. Хуссар Ирыстоны Генпрокуратурæ бакодта уголовон хъуыддаг паддзахадон унитарон куыстуат "Водоканал"-ы раздæры гендиректоры фæдыл, хъусын кæны барадхъахъхъæнæг уагдоны пресс-службæ.
Уый размæ Хуссар Ирыстоны президент Гаглойты Аланы рабадтыл тыхон структурæты разамонджытимæ, республикæйы генпрокурор Битеты Сергей фехъусын кодта, "Водоканал"-ы раздæры разамонæг кæй æрхаста зиан дыууæ милуан сомы бæрц.
"2022 азы 9 сентябры паддзахадон унитарон куыстуат "Водоканал"-ы директоры ныхмæ бакондæуыд уголовон хъуыддаг йæ службæйон хæсты сæрты ахизыны фæдыл. Фæдагуырд сбæрæг кодта, "Водоканал"-ы гендиректор куыстуаты финансон фæрæзтæй балхæдта æвгæнæн хæдтулгæ 2 000 000 сомæй горæт Цхинвалы администрациимæ нæ баныхасгæнгæйæ" – дзырдæуы хъусинаджы.
Афтæ ма уагдоны бафтыдтой, зæгъгæ, балхынцъ ис басгæрст, кæцыйы рæстæджы сбæрæг кодтой 15 222 013 сомы æнæбындурон рахицæн нардуатон организацитæн, кæцытæ æххæст кодтой куыстытæ Инвестпрограммæйы фæлгæтты.
Ног хабӕртты лентӕ
0