Цхинвалы Абайты Васойы музейӕн снысан кодтой ног директоры

© Sputnik / Наталья АйриянАбайты Васойы музей
Абайты Васойы музей - Sputnik Хуссар Ирыстон, 1920, 21.10.2022
Бафыссын
НовостиTelegram
ЦХИНВАЛ, 21 окт — Sputnik, Плиты Фатимӕ. Хуссар Ирыстоны столицӕйы номдзыд ахуыргонд Абайты Васойы музейӕн нысан ӕрцыд ног директор. Уагдоны сӕргъ слӕууыд Остъаты Мӕдинӕ, фехъусын кодтой Sputnik культурӕйы министрады пресс-службӕйы.
Ахуыргонды музей арӕзт фӕцис, фӕлӕ экспонаттӕй у цух. Музейы бӕстыхай ӕд исад басыгъд 2008 азы хӕсты рӕстӕджы.

"Мах йын йӕ фидӕн уынӕм, куыд музей афтӕ нӕ, фӕлӕ куыд зонадон-ахуыргӕнӕн ӕмӕ курльтурон центр", - хъусын кӕны пресс-службӕ музейы ног директор Остъаты Мӕдинӕйы ныхӕстӕ.

Уыимӕ иумӕ ма уагдоны банысан кодтой, куыст кӕй цӕуы музейы экспонаттӕй баххӕст кӕныныл.
"Музейы разамынд ныхас кӕны Абайты Васоимӕ ӕввахс чи уыд ӕмӕ музей баххӕст кӕнын йӕ бон кӕмӕн уыдзӕн, ахӕм адӕмимӕ - ахуыргӕндтӕ, йӕ хӕлӕрттӕ ӕмӕ музейы раздӕры хистӕры фӕдонтимӕ", - загътой уым.
Музейы скусын кӕныны фыццаг къахдзӕфтӕй иу суыдзӕн, уым генийы райгуырӕн бонмӕ ауадзын мадзал.
Остъаты Мӕдинӕ куыста бирӕ бӕрнон бынӕтты, сӕ нымӕцы уагдӕтты хистӕртӕй дӕр. Уый хицӕн ӕзты разамынад лӕвӕрдта Паддзахадон телеуынынад ӕмӕ культурӕйы министрадӕн.
Ног хабӕртты лентӕ
0