https://sputnik-ossetia.com/20221025/37-iii-mukharremy-dsm-bon-dr-baflvaryn-khuy-19521447.html
37. III. "МУХАРРЕМЫ ДÆСÆМ БОН ДÆР БАФÆЛВАРЫН ХЪÆУЫ"
37. III. "МУХАРРЕМЫ ДÆСÆМ БОН ДÆР БАФÆЛВАРЫН ХЪÆУЫ"
Sputnik Хуссар Ирыстон
Тазайы прокламацитæй иу Ичкерийы æфсæддон зылды хицаумæ бафтыд æмæ Цæцæны фæндæгтыл рацу-бацу фæзындæр ис, фæлæ Таза уыцы изæр йæхæдæг ныццыд Шалийы хъæумæ... 25.10.2022 мӕ, Sputnik Хуссар Ирыстон
2022-10-25T10:25+0300
2022-10-25T10:25+0300
2022-10-25T10:25+0300
теркæй туркмæ
хуссар ирыстоны
радио иронау
истори
https://cdnn1.img.sputnik-ossetia.ru/img/07e6/0a/14/19521291_0:0:1445:812_1920x0_80_0_0_d27843f9df89e35c26b3b85adf5b4cb9.png
37. III. "МУХХАРЕМЫ ДÆСÆМ БОН ДÆР БАФÆЛВАРЫН ХЪÆУЫ"
Sputnik Хуссар Ирыстон
37. III. "МУХХАРЕМЫ ДÆСÆМ БОН ДÆР БАФÆЛВАРЫН ХЪÆУЫ"
Тазайы прокламацитæй иу Ичкерийы æфсæддон зылды хицаумæ бафтыд æмæ Цæцæны фæндæгтыл рацу-бацу фæзындæр ис, фæлæ Таза уыцы изæр йæхæдæг ныццыд Шалийы хъæумæ. Уырдыгæй дæр фервыста фидиуджытæ Урус-Мартанмæ, Гехмæ, Бердыкелмæ æмæ сидтис адæммæ, æнхъæлмæ уæм кæсын, æрцæут æмæ уын Иунæг Стыр Хуыцауы фæдзæхст раргом кæнон, зæгъгæ.Алханты Махмуд йæ къæсы чысыл рудзынгæй Шалийæ Ганайты Актуллайы куы ауыдта, уæд дзы йæ цонджы рис айрох. Фæджихау, цы йæ æрхаста, зæгъгæ. Йемæ уыдысты Джебраил æмæ Чæлхи, уымæй чысыл æрсабыр ис Махмуд.Хæдзармæ бацыдысты, артдзæсты раз зæххыл тыгъд зæронд гауызыл тымбылцъæгæй æрбадтысты æмæ бамыр сты. Ныхас цæмæй райдыдтаид, уый нæ зыдта Махмуд, стæй йæм Ганайты Актуллайы хуызæн кадджын лæджы разæй сдзурын дæр аив нæ каст. Йе ’нæнхъæлæджы æрбацыд æй фергъуыйау кодта, уымæн æмæ Актулла цытджын лæг уыд, стæй йæ алы балц уыд стыр хъуыддагимæ баст.Ничи сæм хъуыста æмæ йын Актулла комкоммæ загъта йæ хъуыды: "Хеттеш-Корт нын цы ’рхæсдзæн, уый нæ зонын, фæлæ йæм цæуын, уымæн æмæ мюрид дæр фæллайы хæцынæй, стæй йæ нæ фæнды Туркмæ лидзын дæр. — Цæмæй сидзæр лæппуйæн йæ ныфс ма асастаид, уый тыххæй ма йæ ныхасмæ бафтыдта. — Таза, лæг у, æцæг раст мийыл чи хæцы, уый. Дывæр лæг та у, уыцы раст хъуыддаджы йе сæфт чи уыны æмæ йæ уæддæр уæгъд чи нæ уадзы, уый. Æз дывæр лæгдзинады æвварс дæн, Таза, æмæ дын райсом нæ алфамбылай хъæуты дзыллæтæн сыгъдæг хъуыраныл ард бахæрын кæндзынæн". — Сыстад зæронд мюрид æмæ Урус-Мартанмæ рацыд, цæмæй, цæуынæй цы фæндагыл бафæллад, уый тагъддæр аскъуыдаид æмæ йæм мауал хъуыстаид Туркмæ лидзыны кой.Дарддæр аудиочиныгмæ хъусут Sputnik Хуссар Ирыстоны.Булкъаты Михал, роман "Теркæй Туркмæ".
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, радио иронау , истори, аудио
хуссар ирыстоны, радио иронау , истори, аудио
Тазайы прокламацитæй иу Ичкерийы æфсæддон зылды хицаумæ бафтыд æмæ Цæцæны фæндæгтыл рацу-бацу фæзындæр ис, фæлæ Таза уыцы изæр йæхæдæг ныццыд Шалийы хъæумæ. Уырдыгæй дæр фервыста фидиуджытæ Урус-Мартанмæ, Гехмæ, Бердыкелмæ æмæ сидтис адæммæ, æнхъæлмæ уæм кæсын, æрцæут æмæ уын Иунæг Стыр Хуыцауы фæдзæхст раргом кæнон, зæгъгæ.
Алханты Махмуд йæ къæсы чысыл рудзынгæй Шалийæ Ганайты Актуллайы куы ауыдта, уæд дзы йæ цонджы рис айрох. Фæджихау, цы йæ æрхаста, зæгъгæ. Йемæ уыдысты Джебраил æмæ Чæлхи, уымæй чысыл æрсабыр ис Махмуд.
Хæдзармæ бацыдысты, артдзæсты раз зæххыл тыгъд зæронд гауызыл тымбылцъæгæй æрбадтысты æмæ бамыр сты. Ныхас цæмæй райдыдтаид, уый нæ зыдта Махмуд, стæй йæм Ганайты Актуллайы хуызæн кадджын лæджы разæй сдзурын дæр аив нæ каст. Йе ’нæнхъæлæджы æрбацыд æй фергъуыйау кодта, уымæн æмæ Актулла цытджын лæг уыд, стæй йæ алы балц уыд стыр хъуыддагимæ баст.
Ничи сæм хъуыста æмæ йын Актулла комкоммæ загъта йæ хъуыды: "Хеттеш-Корт нын цы ’рхæсдзæн, уый нæ зонын, фæлæ йæм цæуын, уымæн æмæ мюрид дæр фæллайы хæцынæй, стæй йæ нæ фæнды Туркмæ лидзын дæр. — Цæмæй сидзæр лæппуйæн йæ ныфс ма асастаид, уый тыххæй ма йæ ныхасмæ бафтыдта. — Таза, лæг у, æцæг раст мийыл чи хæцы, уый. Дывæр лæг та у, уыцы раст хъуыддаджы йе сæфт чи уыны æмæ йæ уæддæр уæгъд чи нæ уадзы, уый. Æз дывæр лæгдзинады æвварс дæн, Таза, æмæ дын райсом нæ алфамбылай хъæуты дзыллæтæн сыгъдæг хъуыраныл ард бахæрын кæндзынæн". — Сыстад зæронд мюрид æмæ Урус-Мартанмæ рацыд, цæмæй, цæуынæй цы фæндагыл бафæллад, уый тагъддæр аскъуыдаид æмæ йæм мауал хъуыстаид Туркмæ лидзыны кой.
Дарддæр аудиочиныгмæ хъусут Sputnik Хуссар Ирыстоны.
Булкъаты Михал, роман "Теркæй Туркмæ".
