https://sputnik-ossetia.com/20221026/39-vi-tokhy-bon-vi-turkm-lidzn-fndadzhy-sr-19522535.html
39. VI. ТОХЫ БОН ÆВИ ТУРКМÆ ЛИДЗÆН ФÆНДАДЖЫ СÆР
39. VI. ТОХЫ БОН ÆВИ ТУРКМÆ ЛИДЗÆН ФÆНДАДЖЫ СÆР
Sputnik Хуссар Ирыстон
Шалийы хъæу хъазахъхъ бацахстой æмæ йæм Махмудитæ нал баирвæзтысты. Балæбурыны фаг тых та сæм уæвгæ нæ уыд. Ганайты Актуллайы хæдзар басыгътой æмæ йæ фæздæг... 26.10.2022 мӕ, Sputnik Хуссар Ирыстон
2022-10-26T11:48+0300
2022-10-26T11:48+0300
2022-10-26T11:48+0300
теркæй туркмæ
хуссар ирыстоны
радио иронау
истори
https://cdnn1.img.sputnik-ossetia.ru/img/07e6/0a/14/19522374_0:0:1445:812_1920x0_80_0_0_81a51e3273e394de6aa2ed99ed6217a7.png
39. VI. ТОХЫ БОН ÆВИ ТУРКМÆ ЛИДЗÆН ФÆНДАДЖЫ СÆР
Sputnik Хуссар Ирыстон
39. VI. ТОХЫ БОН ÆВИ ТУРКМÆ ЛИДЗÆН ФÆНДАДЖЫ СÆР
Шалийы хъæу хъазахъхъ бацахстой æмæ йæм Махмудитæ нал баирвæзтысты. Балæбурыны фаг тых та сæм уæвгæ нæ уыд. Ганайты Актуллайы хæдзар басыгътой æмæ йæ фæздæг арвмæ калдис, кæрты сылгоймæгтæ змæлыдысты, сæ цъæхахст дардмæ хъуыст. "Æвæццæгæн, нал ис, баххуыс кæнын кæмæн хъуыд, уый!" Махмудæн йæ зæрдыл æрбалæууыд Актуллайы дысоны зарæг: "Æулæ-лæ-лæ-æ-æ!" Афтæ-иу зарыдысты Шамилы мюридтæ, сæ адзал-иу куы базыдтой, уæд. Сылгоймæгты хъарæг ын йæ зæрдæ ацарыдта, фæлæ сæм æввахс бацæуæн нæ уыд æмæ уайтагъд Харачоймæ раздæхт.Цомахъ дардыл æрзылд, Хеттеш-Кортæй Цонторы хъæуы ’хсæн бабадт. Йæхимидæг хынцыдта: "Махмæ иу мыггагимæ дзурын зын у, иу хъæуимæ дзурын та ноджы зындæр, фæлæ комбæстимæ быцæу кæнын Хуыцауимæ быцæу кæнынæй хъауджыдæр нæу. Тазайæн æнæ ныддæрæн хос нæй, фæлæ Цомахъæн йæ цард Ичкерийы зылды пысылмонтимæ дзырддагæй куы баззайа, уæд ын йæ пъагæттæ дæр нал баххуыс кæндзысты. Фæлтау уал Таза йæхæдæг сагайæд хылы-мылы, стæй йын Цомахъ дæр нæ дардзæн йæ дæндагæй цырагъ.Æрцъыкк кæнынæй куы уаид, уæд Цомахъ прапорщик Хату æмæ Арсаныхъойæ къаддæр не сарæхсид. Гоби кæнæ къуырма нæу наиб æмæ хаты: Хеттеш-Корт Гамар-Дукмæ æввахсдæр у, фæлæ булкъон Головачев, уым цы æфсад бадтис, уый йæ бынатæй нæ фезмæлын кодта æмæ Цомахъмæ барвыста фидиуæг: марадз, Тазамæ ды бабырс, зæгъгæ... Искæй къухæй тонынц пысыра...Дарддæр аудиочиныгмæ хъусут Sputnik Хуссар Ирыстоны.Булкъаты Михал, роман "Теркæй Туркмæ".
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
хуссар ирыстоны, радио иронау , истори, аудио
хуссар ирыстоны, радио иронау , истори, аудио
Шалийы хъæу хъазахъхъ бацахстой æмæ йæм Махмудитæ нал баирвæзтысты. Балæбурыны фаг тых та сæм уæвгæ нæ уыд. Ганайты Актуллайы хæдзар басыгътой æмæ йæ фæздæг арвмæ калдис, кæрты сылгоймæгтæ змæлыдысты, сæ цъæхахст дардмæ хъуыст. "Æвæццæгæн, нал ис, баххуыс кæнын кæмæн хъуыд, уый!" Махмудæн йæ зæрдыл æрбалæууыд Актуллайы дысоны зарæг: "Æулæ-лæ-лæ-æ-æ!" Афтæ-иу зарыдысты Шамилы мюридтæ, сæ адзал-иу куы базыдтой, уæд. Сылгоймæгты хъарæг ын йæ зæрдæ ацарыдта, фæлæ сæм æввахс бацæуæн нæ уыд æмæ уайтагъд Харачоймæ раздæхт.
Цомахъ дардыл æрзылд, Хеттеш-Кортæй Цонторы хъæуы ’хсæн бабадт. Йæхимидæг хынцыдта: "Махмæ иу мыггагимæ дзурын зын у, иу хъæуимæ дзурын та ноджы зындæр, фæлæ комбæстимæ быцæу кæнын Хуыцауимæ быцæу кæнынæй хъауджыдæр нæу. Тазайæн æнæ ныддæрæн хос нæй, фæлæ Цомахъæн йæ цард Ичкерийы зылды пысылмонтимæ дзырддагæй куы баззайа, уæд ын йæ пъагæттæ дæр нал баххуыс кæндзысты. Фæлтау уал Таза йæхæдæг сагайæд хылы-мылы, стæй йын Цомахъ дæр нæ дардзæн йæ дæндагæй цырагъ.
Æрцъыкк кæнынæй куы уаид, уæд Цомахъ прапорщик Хату æмæ Арсаныхъойæ къаддæр не сарæхсид. Гоби кæнæ къуырма нæу наиб æмæ хаты: Хеттеш-Корт Гамар-Дукмæ æввахсдæр у, фæлæ булкъон Головачев, уым цы æфсад бадтис, уый йæ бынатæй нæ фезмæлын кодта æмæ Цомахъмæ барвыста фидиуæг: марадз, Тазамæ ды бабырс, зæгъгæ... Искæй къухæй тонынц пысыра...
Дарддæр аудиочиныгмæ хъусут Sputnik Хуссар Ирыстоны.
Булкъаты Михал, роман "Теркæй Туркмæ".
