Фæхæццæ кæнæм кæройнаг стадимæ: Гæбæраты Алан Цхинвалы уынгтыл цалцæггæнæн куыстыты тыххæй

© Sputnik / Natalia AiriyanЦхинвал
Цхинвал - Sputnik Хуссар Ирыстон, 1920, 28.10.2022
Бафыссын
НовостиTelegram
ЦХИНВАЛ, 28 окт – Sputnik. Хуссар Ирыстоны столицæйы цалдæр уынгыл цалцæггæнæн куыстытæ сты кæронбæттæн стадийыл. Уый тыххæй Sputnik фехъусын кодта паддзахадон унитарон куыстуат "Дорэкспострой"-ы директор Гæбæраты Алан.
Йæ ныхæстæм гæсгæ, куыстытæ балхынцъ кæндзысты ацы азы 1 декабрьмæ.

"Мах ныридæгæн бацæттæ кодтам асфальты дыккаг цъармæ Вокзалгæрон фæзуат, Санахъоты Гришикы æмæ Сланты Леониды уынгтæ. Ныртæккæ цæттæ кæнынц Къозонты Сардион æмæ Сабанты Григорийы, афтæ ма Ирæтты уынг. Ацы уынгтæ иууылдæр æввахс рæстæджы фæкæндзысты асфальты бын", - загъта уый.

Гæбæраты Алан банысан кодта, цалцæггæнæн куыстыты проблемæтæ кæй нæй.
"Ницы зындзинæдтæ æвзарæм. Куыстытæ цæуынц гарфикмæ гæсгæ. Арæзтадон æрмæджытæ æмæ финанскæнынад фаг кæны. Хицауад нын алыхуызон æххуыс кæны", - бахахх кодта куыстуаты директор.
Ног хабӕртты лентӕ
0