Хуссар Иры уагъд цæуы ветеринарон дезинфекци хуыты африкæйаг емынæйы ныхмæ

© Sputnik / Максим Богодвид /  Ахизын медиабанкмæХуыты африкæйаг емынæ
Хуыты африкæйаг емынæ  - Sputnik Хуссар Ирыстон, 1920, 28.10.2022
Бафыссын
НовостиTelegram
ЦХИНВАЛ, 28 окт – Sputnik. Хуссар Ирыстоны Дзауы районы цæрæн пунктты, цы ран уый размæ сбæрæг кодтой хуыты африкæйаг емынæ, уагъд цæуы дезинфекци. Уый тыххæй хъусын кæны Хъæууон хæдзарады министрады пресс-службæ.
Фыццаг дезинфекци сарæзтæуыд низ сбæлвырд кæныны фæстæ, дыккаг уагъд цæуы ныртæккæ.
Ветеринарон специалисттæ дезинфектанты хуызы пайда кæнынц "Вироцид"-ы бындурыл арæзт буарадæй.

"Фермертæ хъуамæ æмбарой, сæйраг нормæ сæ фосы æнæниздзинадæн у – æдтæмæ сæ хизынмæ ма уадзын. Афтæ ма уыдон хъуамæ зоной, ветеринарон-санитарон профилактикон мадзæлттæ æмæ ветеринарон дезинфекци зиан кæй нæ хæссынц æндæр фосæн", - бафтыдтой уагдоны.

Хъæууон хæдзарады министрады бæрæггæнæнтæм гæсгæ, Хуссар Ирыстоны 2018 азы хуыты африкæйаг емынæйæ амардысты 130-æй фылдæр хуыйы. Фыццаг цаутæ бæрæг æцыдысты Знауыры районы. 2019 азы хуыты африкæйаг емынæ бæлвырд не рцыд. 2020 азы æппæт республикæйы африкæйаг емынæйæ амардысты 250-æй фылдæр хуыйы. 2021 азы республикæйы кæцыдæр районты ногæй фæзынд низ.
Ног хабӕртты лентӕ
0