Дыууæ адæймаджы бахъыгдард сты: Хуссар Иры ивгъуыд къуыри æрцыд æртæ ФТЦ

© Sputnik / Наталья АйриянЦхинвал
Цхинвал - Sputnik Хуссар Ирыстон, 1920, 31.10.2022
Рафыссын
ЦХИНВАЛ, 31 окт — Sputnik. Хуссар Ирыстоны фæндæгтыл ивгъуыд къуыри æрцыд æртæ аварийы. Фæндагон-транспортон цауты (ФТЦ) фæстиуæгæн бахъыгдард сты дыууæ адæймаджы. Уый тыххæй хъусын кæны республикæйы Мидхъуыддæгты министрады (МХМ) пресс-службæ.
Афтæ ма Паддзахадон автоинспекцийы кусджытæ сбæрæг кодтой фæндагон змæлды 280 фæткхалды. Æхсæз шофыры скъæрдтой автотранспорт нозтджынæй.
"Фæткхæлдты хсæн: транспортон фæрæз æнæ документтæй скъæрын – 62, светофоры сырх рухсыл аскъæрын – 40, фæндагон нысæнтты фæтк фехалын – 85", - дзырдæуы хъусинаджы.
Уагдоны бафтыдтой, зæгъгæ, ацы период республикæйы территорийыл фыдракæндтæ регистрацигонд не рцыд. Æхсæнадон фæтк фехалыны тыххæй бæрнмæ æрбаздахтой æртæ адæймаджы.
Ног хабӕртты лентӕ
0