Гасситы Знауыр сæмбæлд Дипакадемийы ректор Александр Яковенкоимæ

© Photo : Пресс-служба посольства РЮО в РФГасситы Знауыр сæмбæлд Дипакадемийы ректор Александр Яковенкоимæ
Гасситы Знауыр сæмбæлд Дипакадемийы ректор Александр Яковенкоимæ - Sputnik Хуссар Ирыстон, 1920, 16.11.2022
Бафыссын
НовостиTelegram
ЦХИНВАЛ, 16 ноя – Sputnik. Хуссар Ирыстоны минæвар Уæрæсейы Гасситы Знауыр сæмбæлд Дипакадемийы ректоримæ, УФ ФХМ коллегийы минæвар Александр Яковенкоимæ. Фембæлды рæстæджы уæлдай хъусдард æрдардтой Хуссар Ирыстонæй Дипакадемийы чи ахуыр кæны, уыцы студентты проблæмæтæм.
Афтæ ма æрныхас кодтой хуссарирыстойнаг ФХМ-йы дипломатты квалификаци фæбæрзонддæр кæныны курсыты стажировкæйы графикыл.
Яковенко сбæлвырд кодта, Академи цæттæ кæй у дарддæр дæр æххуыс кæнын Хуссар Ирыстонæн æхсæнадæмон специалистты цæттæ кæнын æмæ республикæйы дипкусджыты зонындзинæдтæ хуыздæр кæныны хъуыддаджы.
Уæрæсейы ФХМ Дипломатион академи у дунейы рагондæр дипломатион академитæй иу. Æрвыл аз академи райсы бирæнымæц фæсарæйнаг делегацитæ, ныры рæстæджы дзы ахуыр кæнынц минæвæрттæ дунейы 30 паддзахадæй фылдæр. Хуссар Ирыстонæй уырдæм ацæуынц ахуырмæ студенттæ, дипломатион хаххыл чи кусы, уыдон та – сæ квалификаци фæуæлдæр кæнынмæ.
Ног хабӕртты лентӕ
0