Цæгат Ирыстоны банысан кæндзысты РХИ экс-президент Цыбырты Людвигы 90-афæдзон юбилей

© Sputnik / Natalia AiriyanЦыбырты Людвиг
Цыбырты Людвиг - Sputnik Хуссар Ирыстон, 1920, 16.11.2022
Рафыссын
ЦХИНВАЛ, 16 ноя – Sputnik. РХИ фыццаг президент Цыбырты Людвигы 90-афæдзон юбилейы цытæн Дзæуджыхъæуы 17 æмæ 18 ноябры ацæудзысты бæрæгбонон мадзæлттæ. Куыд радзырдта цыбырты Людвигы фырт Алексей, афтæмæй фыццаг боны бæрæгбонон мадлзæлттæ райдайдзысты 16:00 Ирон театры.
Уый банысан кодта, мадзалмæ хуынд кæй сты цытджын уазджытæ, уыдоны ᾿хсæн РЦИ-Аланийы сæргълæууæг Сергей Меняйло, ХИ президент Гаглойты Алан, афтæ ма зонадон æхсæнады минæвæрттæ.
"Æхсæнадæмон зонадон конференци "Людвиг Алексеевич Чибиров: ученый и государственный деятель" ацæудзæн 18 ноябры. Конференцийыл уыдзысты нæ коллегæтæ скæсæнзонады Институт, УФ зонæдты Академи, афтæ ма нæ хæлæрттæ сыхаг республикæтæй. Æрбавдисдзысты фараст доклады, æрдзурдзысты Цыбырты Людвигы архайды алкæцы фадыджы тыххæй", - загъта Цыбырты Алексей.
Йæ ныхæстæм гæсгæ, Цыбырты Людвигы сгуыхтдзинад бындуриуæг кæны, йæ мад æй йæ сабибонтæй фæстæмæ кæй сахуыр кодта куыст уарзын.
Кæд æмæ йын исты æнтыстытæ ис царды, уæд æрмæстдæр куыстуарзаг æмæ фæткыл зæрдæргъæвд кæй у, уымæн. Уый у йе ᾿нтыстыты фыццаг амал, политикæ уа æви æхсæнадон, кæнæ зонадон куыст", - баххæст кодта Цыбырты Алексей.
Ног хабӕртты лентӕ
0