Ленингоры районы æххуысхъуаг бинонты сифтонг кодтой сугтæй зымæгмæ

© Photo : РixabayСугтæ
Сугтæ - Sputnik Хуссар Ирыстон, 1920, 22.11.2022
Рафыссын
ЦХИНВАЛ, 22 ноя — Sputnik, Гæбæраты Элина. Ленингоры районы администраци сифтонг кодта районы æххуысхъуаг цæрджыты сугтæй зымæгмæ. Районы администрацийы пресс-секретарь Кокойты Анжела куыд радзырдта, афтæмæй ныры онг сугтæ райстой 23 бинонтæ.
"Сæйраджыдæр æххуыс кæнæм: иунæг пенсиисджытæн, инвалидтæн, бирæсывæллонджын бинонтæн æмæ æндæр цæрджытæн, кæцытæн сæ бон нæу сæхи сифтонг кæнын сугтæй" – хъусын кæны пресс-секретарь районы сæргълæууæг Гæджиты Иларионы ныхæстæ.
Кокойты Анжела банысан кодта, администраци кæй баххуыс кæндзæн ноджы 17 æххуысхъуаг бинонтæн.
"Æххуысхъуаг цæрджытæн сугтæ дæтты республикæйы хъæды хæдзарады дæлхайад", - бафтыдта уый.
Хуссар Ирыстоны хъæды хæдзарады дæлхайад сифтонг кодта сугтæй зымæгмæ республикæйы æххуысхъуаг бинонтæ æмæ районты административон бæстыхæйттæ, кæцытæ нырмæ пайда кæнынц сугтæй.
Ног хабӕртты лентӕ
0