Ленингоры районы æрæмбырд кодтой æрдæг милуан сомы æфсæддонтæн, кæцытæ хайад исынц СÆО-йы

© Sputnik / РИА Новости /  Ахизын медиабанкмæУæрæсейы æфсæддон
Уæрæсейы æфсæддон - Sputnik Хуссар Ирыстон, 1920, 30.11.2022
Бафыссын
НовостиTelegram
ЦХИНВАЛ, 30 ноя — Sputnik, Гæбæраты Элина. Сæрмагонд æфсæддон операцийы (СÆО) хайадисджытæн баххуыс кæныны фæдыл гуманитарон акци ацыд Хуссар Ирыстоны Ленингоры районы. Районы администрацийы пресс-секретарь Кокойты Анжела куыд фехъусын кодта Sputnik, афтæмæй иу мæймæ Ленингоры районы администрацийы дæлхайæдты кусджытæ æмæ техперсонал æрæмбырд кодтой 455 мин сомы.
"Гуманитарон акцийы бирæ адæм райстой хайад. Æфсæддон фæрæзтæ æрæмбырд кæныны фæдыл хæрзаудæн акцимæ æрбаиу сты районы скъолатæ дæр. Ленингоры районы администрацийы сæргълæууæг баныфсæвæрдта, æрæмбырдгонд фæрæзтæ ныридæгæн кæй радтой РХИ президенты администрацимæ, æмæ уыдонæй æлхæд æрцæудзысты æнæмæнгхъæугæ æрмæджытæ сæрмагонд æфсæддон операцийы хайадисджытæн", - банысан кодта Кокойты Анжела.
Хуссар Ирыстоны сæрмагонд æфсæддон операцийы хайадисæг æфсæддонтæн гуманитарон æххуыс æмбырд кæныны фыццаг этап райдыдта ацы аз марты. Уымæй дарддæр Хуссар Ирыстоны фæсивæды алыхуызон инициативон къордтæ æрвыстой гуманитарон æххуыс ирон хæстонтæн Донбассмæ. Æрвитæггаджы уыдысты хæлцад, дзауматæ æмæ æфсæддон экипировкæ.
Ног хабӕртты лентӕ
0