Хуссар Иры спортсментæ хайад райсдзысты æвзонг æмбæстæгты VI Æппæтдунейон хъæзтыты
© Sputnik / Олег Джагаев
Рафыссын
ЦХИНВАЛ, 2 дек — Sputnik, Дзæгъиаты Олег. Хуссар Ирыстоны президент Гаглойты Алан майрæмбоны райсом фембæлд хуссарирыстойнаг спортсменты къордимæ, кæцытæ 5 декабры ацæудзысты Мæскуымæ æвзонг æмбæстæгты VI Æппæтдунейон хъæзтытæм. Фембæлды ма хайад райстой Россотрудничествойы минæварады разамонæг Хуссар Ирыстоны Сергей Скворцов æмæ тренертæ Дзабиты Роланд æмæ Касойты Изетта.
"Сымах цæут ерыстæм, цы ран хъахъхъæндзыстут æрмæст нæ тренертæ æмæ ныййарджыты кад нæ, фæлæ ма Хуссар Ирыстоны дæр. Уæ нысан – аккагæй равдисын уæхи республикæйы сæраппонд. Уырны мæ, сымах кæй æрыздæхдзыстут уæ райгуырæн бæстæмæ майдантимæ", - банысан кодта Гаглойты Алан.
Гаглойты Аланы фембæлд республикæйы æвзонг спортсментимæ
© Sputnik / Олег Джагаев
Сергей Скворцовы цæст бауарзта спортсментæн æнтыстытæ æмæ бахахх кодта, уыдонмæ ерыстæй дарддæр кæй æнхъæлмæ кæсы егъау культурон программæ.
"Ерысты хайадисджытæн сорганизаци кæндзысты экскурси Мæскуыйы. Афтæ ма æвзонг спортсментæ бабæрæг кæндзысты павильон "Космос" ВДНХ-йы æмæ тематикон парк "Патриот". Афтæ ма уыдон бакæсдзысты ретро-хъазтмæ мæскуыйаг командæтæ "Спартак" æмæ "Динамо"-йы хайадистæй, цы ран уыдзысты дунейон хоккейон легендæтæ. Кæронбæттæны та хайадисджытæн сараздзысты дискотекæ", - загъта уый.
Гаглойты Аланы фембæлд республикæйы æвзонг спортсментимæ
© Sputnik / Олег Джагаев
Æвзонг баскетболистты тренер Дзабиты Роланд бузныг загъта республикæйы къухдариуæгадæн æххуысы тыххæй.
"Бузныг алкæмæндæр, чи нын баххуыс кодта хайад райсын ацы ерысты. Уырны мæ, аккагæй кæй хъахъхъæндзыстæм нæ республикæйы кад", - бахахх кодта тренер.
Гаглойты Аланы фембæлд республикæйы æвзонг спортсментимæ
© Sputnik / Олег Джагаев
