Горӕт Къуаисайы разамынад ифтонг кӕны сугӕй ӕххуысхъуаг бинонты

© Из архива А. Хугаева Горӕт Къуаисайы разамынад ифтонг кӕны сугӕй ӕххуысхъуаг бинонты
Горӕт Къуаисайы разамынад ифтонг кӕны сугӕй ӕххуысхъуаг бинонты - Sputnik Хуссар Ирыстон, 1920, 05.12.2022
Бафыссын
НовостиTelegram
ЦХИНВАЛ, 5 дек – Sputnik, Плиты Фатимӕ. Хуссар Ирыстоны горӕт Къуаисайы разамынад сугӕй зымӕгон рӕстӕгмӕ ифтонг кӕны ӕххуысхъуаг бинонты. Горӕты разамынады ӕххуыс аххӕсдзӕн аст бинонтыл, фехъусын кодта Sputnik горӕты мэр Хуыгаты Алан.
Ӕрвылаз ӕххуысхъуаг бинонты категорийы чи ис, уыдоны Хъӕды хӕдзарад сифтонг кӕны сугӕй Ӕхсӕнадӕмон сырх дзуары комитеты бынӕттон миссийы ӕмархайдӕй.
"Мах сугӕй ифтонг кӕнӕм Сырх дзуары миссийы номхыгъдмӕ чи нӕ бахауд, ахӕм тыхст бинонты. Цыппар хӕдзар уал райстой сӕ зымӕгон суджы фӕстауӕрц, ноджы ма цыппар бинонтыл та сӕ байуардзыстӕм ӕввахс бонты", - загъта горӕты хицау.
Хуссар Ирыстоны бирӕ цӕрӕн пункттӕм нырма нӕ хӕццӕ кӕны ӕрдзон газ. Уым зымӕгон рӕстӕг хъарм кӕнынц хӕдзӕрттӕ сугӕй. Бирӕ бинонтӕн сӕхи тыхӕй самал кӕнын суг сӕ бон нӕу.
Ног хабӕртты лентӕ
0