Æргътæ нæ фæивдзысты. Хуссар Иры хицауад сфидар кодта ЦКХ тарифтæ

© Sputnik / Алексей СухоруковХуссар Иры хицауад сфидар кодта ЦКХ тарифтæ
Хуссар Иры хицауад сфидар кодта ЦКХ тарифтæ - Sputnik Хуссар Ирыстон, 1920, 08.12.2022
Бафыссын
НовостиTelegram
ЦХИНВАЛ, 8 дек – Sputnik. Хуссар Ирыстоны хицауад сфидар кодта цæрæнуатон-коммуналон лæггæдты тарифтæ 2023 азмæ. Æрдзон газ, электроифтонгад æмæ цæрæнуатон-коммуналон лæггæдты æргътæ нæ фæивдзысты ивгъуыд азмæ абаргæйæ.
"Æмбæстæгтæн æрдзон газ æмæ электроифтонагды аргъ баззайдзæн ивгъуыд æмвæзадыл цæрджытæн субсидиты руаджы", - хъусын кæны хицауады прес-службæ.
Министрты кабинеты банысан кодтой, доны тарифтæ чысыл кæй фæфылдæр уыдзысты, уымæн æмæ 2023 азы эксплуатацимæ ратдзысты ног доны хæтæл æмæ сыгъдæггæнæн бæстыхæйттæ.
Электроифтонгады æргътæ цæрджытæн 2023 азы 1 январæй уыдзысты: столицæйы цæрджытæн – 3 сомы кВт/ч, хъæууон цæрджытæн – 2,37 сомы, газæн та – 4,51 сомы кубометрæн.
Афтæ ма горæты цæрджытæн ЦКХ лæггæдты аргъ уыдзæн: донæн – 2,75 сомы кубометрæн, дон ауадзыны лæггæдтæн – 2,74 сомы кубометрæн.
Хуссар Ирыстоны фæстаг хатт ЦКХ лæггæдтæ, электроифтонгад æмæ æрдзон газы тарифтæ фæфылдæр кодтой 2020 азы кæрон. Уæд электроэнергийы кВТ/ч фæфылдæр 36 копейкы, æрдзон газы кубометрæн та – 24 копейкы бæрц.
Ног хабӕртты лентӕ
0