Цхинвалы дыууӕ сабидоны бакодтой карантин

© Sputnik / Павел Лисицын /  Ахизын медиабанкмæКарантин
Карантин - Sputnik Хуссар Ирыстон, 1920, 13.12.2022
Бафыссын
НовостиTelegram
ЦХИНВАЛ, 13 дек – Sputnik, Плиты Фатимӕ. Хуссар Ирыстоны столицӕйы дыууӕ сабидоны бакодтой карантин. Югосетпотребназдоры уынаффӕмӕ гӕсгӕ, сӕ куыст ӕрурӕдтой фарастӕм ӕмӕ ӕртындӕсӕм сабидон 19 декабрьмӕ. Уый тыххӕй Sputnik радзырдта горӕты ахуырады хайады хистӕр Биазырты Татьяна.
Мадзӕлттӕ ист цӕуынц ахуырадон уагдӕтты КРВИ ӕмӕ гриппӕй рынчынты нымӕц 20% кӕй ахызт, уый аххосӕй.
"Абонӕй сӕ куыст ӕрурӕдтой сабидӕтӕ №9 ӕмӕ №13. Ноджы ма ӕртӕ къласы ӕхгӕд ӕрцыд дыууадӕсӕм скъолайы", - загъта Биазырты Татьяна.
Йӕ ныхӕстӕм гӕсгӕ, ӕввахс бонты ма ноджы ӕндӕр ахуыргӕнӕндӕтты дӕр гӕнӕн ис бакӕной карантин.
Уымӕй размӕ Цхинвалы 12 декабры онг ӕнгӕс аххосӕгтӕм гӕсгӕ уыдысты ӕхгӕд иу кълас ӕхсӕзӕм скъолайы ӕмӕ иу къорд 15-ӕм сабидоны.
Ног хабӕртты лентӕ
0