Хуссар Иры сæйраг санитарон дохтыр радзырдта, кæцы скъолатæ æмæ сабидæттæ сæхгæдтой

© Natalia AiriyanКоцты Марина
Коцты Марина - Sputnik Хуссар Ирыстон, 1920, 14.12.2022
Бафыссын
НовостиTelegram
ЦХИНВАЛ, 14 дек - Sputnik. Хуссар Ирыстоны схызт КРВИ æмæ гриппæй рынчынкæнынады æмвæзад, фехъусын кодта Sputnik пресс-конференцийы рæстæджы республикæйы сæйраг санитарон дохтыр Коцты Марина.
Йæ ныхæстæм гæсгæ, ахæм уавæр уыд æрвылаз дæр, фæлæ ивгъуыд азты æппæт дунейы уыд коронавирусы пандеми, æмæ уыимæ тох уыд нывæзты. Афтæ ма санитарон дохтыр бахахх кодта, Югосетпотребнадзор æнæхъæн аз кæй мониторинг кæны КРВИ æмæ гриппæй рынчынкæнынад.
"Ныртæккæ æхгæд у æхсæзæм астæуккаг скъола, карантин уым адарддæр уыдзæн 20 декабры онг. Скъола-интернат æхгæд у 19 декабры онг, ахуырадон процесс æрурæдтой скъола "Альбион"-ы иу кълас æмæ гимнази "Рухс"-ы цыппар къласы. Афтæ ма 19 декабрмæ нæ кусынц фарастæм æмæ æртындæсæм сабидæттæ", - радзырдта Коцты Марина.
Цхинвалы районы Дменисы хъæуы 19 декабрмæ æхгæд уыдзæн сабидон. Карантинмæ 18 æмæ 19 декабрмæ ацыдысты скъола æмæ сабидон Знауыры поселочы.
Дзауы районы æрурæдтой сæ куыст скъола-интернат æмæ скъола, афтæ ма сабидон горæт Къаисайы. Æнгæс уавæр ис Ленингоры районы дæр, цы ран сæхгæдтой сабидон Цъинагары хъæуы.
Уыимæ иумæ, Коцты Маринайы ныхæстæм гæсгæ, Ленингоры районы Орчъосаны хъæуы къорд кълæстæ æмæ сабидон сног кодтой ахуырадон процесс.
Ног хабӕртты лентӕ
0