Югосетпотребнадзоры сæргълæууæг банысан кодта, республикæйы гæнæн ис кæй уа "хуыты грипп"

© Sputnik / Александр Кондратюк /  Ахизын медиабанкмæДохтыр
Дохтыр - Sputnik Хуссар Ирыстон, 1920, 14.12.2022
Бафыссын
НовостиTelegram
ЦХИНВАЛ, 14 дек – Sputnik, Козаты Диана. Югосетпотребнадзор не сбæрæг кодта, гриппы кæцы штаммæй сты рынчын республикæйы, фæлæ симптомтæм гæсгæ, кæцытæ бæлвырд кæнынц дохтыртæ, уый гæнæн ис уа "хуыты грипп".
Уый размæ Роспотребнадзоры сæргълæууæг Анна Попова фехъусын кодта, Уæрæсемæ кæй æрбацыд гриппы иууыл тæссагдæр штамм – "хуыты грипп". Уый бахахх кодта, дзырд кæй цæуы А (H1N1) гриппыл, кæцыйæн ис парахат кæныны бæрзонд потенциал. Ацы низ расидт пандеми 2009-2010 азты.
"Æрвылаз гриппы структурæйы вæййынц алыхуызон штаммтæ. Ацы аз, Роспотребнадзоры информацимæ гæсгæ, размæ рацыд штамм H1N1, кæцы мах хонæм "хуыты грипп", - загъта Хуссар Ирыстоны сæйраг санитарон дохтыр Коцты Марина.
© Natalia AiriyanКоцты Марина
Марина Кочиева  - Sputnik Хуссар Ирыстон, 1920, 14.12.2022
Коцты Марина
Уый бафтыдта, зæгъгæ, республикæйы цæрджытæ арæх цæуынц Уæрæсемæ, æмæ кæд уым ис сезонон грипп кæнæ æндæр штаммæй рынчынкæнынады æмвæзады рæзт, уæд уый æрцæудзæн Хуссар Ирыстонмæ дæр.
"Мах нæ бæрæг кæнæм, кæцы штамм нæм ис фылдæр бæрцæй, фæлæ симптомтæм гæсгæ, кæцытæ бæлвырд кæнынц дохтыртæ, уый гæнæн ис уа "хуыты грипп", - загъта Коцты Марина.
Йæ ныхæстæм гæсгæ, лабораторитæ, кæцыты бæрæг кæнынц штамттæ, сты æндæр æмвæзады лабораторитæ.
Ног хабӕртты лентӕ
0