ПТРК "Ир"-ы эфиры рацæудзæн алæвæрд "Алолай" ранæуæггонд хуызы

© Карина Гаглоева ПТРК "Ир"
ПТРК Ир - Sputnik Хуссар Ирыстон, 1920, 10.01.2023
Бафыссын
НовостиTelegram
ЦХИНВАЛ, 10 янв — Sputnik, Гæбæраты Элина. Сывæллæттæн алæвæрд "Алолай" ПТРК "Ир"-ы эфиры рацæудзæн ног форматы, фехъусын кодтой Sputnik уагдоны æмæ банысан кодтой, алæвæрдыл кæй кусынц номзыд режиссертæ, сценаристтæ æмæ артисттæ.

"Телеканал "Ир" æмæ паддзахадон драмтеатры сфæлдыстадон командæтæ биноныг æмæ лыстæггай æркастытсты алцæмæдæр, цæмæй чысыл кæсджытæн сæ зæрдæмæ фæцæуа. Нырыккон рæстæг домы нырыккон ахаст. Программæйæн уыдзæн максималон пайда чысыл телекæсджытæн. Алы алæвæрды дæр сывæллæтты зонгæ кæндзысты националон традицитимæ", - загътой уагдоны.

ПТРК "Ир"-ы куыд банысан кодтой, афтæмæй алæвæрдæн фыццаджыдæр йæ нысан у ирон æвзаг пропагандæ кæнын. Программæ "Алолай"-йы руаджы сывæллæттæн амондзысты ирон æвзаг. Уыцы хъуыддаджы ахъаз фæуыдзæн профессор Битарты Зояйы арæзт сæрмагонд программæ "Малусæг".
Алæвæрды æппæт сусæгдзинæдтæ командæ нырма æргом нæ кæны, фæлæ ныфс æвæрынц, "Алолай"-йы ранæуæггонд хуыз æнæмæнгæй дæр фæндаг ссардзæн, куыд чысыл телекæсджыты, афтæ хистæр кары адæмы зæрдæтæм дæр.
Ног хабӕртты лентӕ
0