https://sputnik-ossetia.com/20230111/19klimt-20730571.html
19. КÆЛИМÆТ
19. КÆЛИМÆТ
Sputnik Хуссар Ирыстон
Кæлимæт æгас зымæджы йæ уат нал систа. Мит куы батад æмæ хуры тынтæ парахатæй куы ’рындæвтой, уæд сыстад. Уаноты хæдзары фæстæ дурыл сбадт æмæ æрхæндæгæй йæ... 11.01.2023 мӕ, Sputnik Хуссар Ирыстон
2023-01-11T14:43+0300
2023-01-11T14:43+0300
2023-01-11T14:43+0300
гъе-мардзæ, исчи!
хуссар ирыстоны
радио иронау
истори
https://cdnn1.img.sputnik-ossetia.ru/img/07e6/0c/1c/20730216_0:0:1445:812_1920x0_80_0_0_03eb5506f866180aaea0b2459f65b578.png
19. КÆЛИМÆТ
Sputnik Хуссар Ирыстон
19. КÆЛИМÆТ
Кæлимæт æгас зымæджы йæ уат нал систа. Мит куы батад æмæ хуры тынтæ парахатæй куы ’рындæвтой, уæд сыстад. Уаноты хæдзары фæстæ дурыл сбадт æмæ æрхæндæгæй йæ цæст нал иста сæ хæдзарæй. Æниу ма цæй хæдзар! Зымæджы уæззау мит нæ баурæдта хæдзары зæронд, æмбыд сæр, ныккалд. Æмæ хæдмæл бæхы стæгдары фæрсчытау зыны. Кæрты змæлæг ничи ис. Йæ зæрдæ суынгæг чызгæн. Лæдзæджы æнцæйтты ныххылд сæхимæ. Æрлæууыд кæрты. Сæ хæдзары дуар — дзуарæвæрд хъилтæй хуыд. Кæрт змæстытæ, æнæфснайд. Лæдзæг бахъил кодта къулыл, уæлкъæсæрæй æриста уисой æмæ сындæггай бафснайдта кæрт. Уый фæстæ рафтыдта хæдзары дзуарæвæрд хъилтæ æмæ бакодта дуар. Бирæ рæстæджы йæ бон хæдзармæ бахизын нæ баци. Хæдзары къуымтæй йыл раулæфыд æнахуыр уазал. Астæрды сыджыт алырдыгæй уырытæ скалдтой. Къонайы рæхысæй суанг цары сæгæйдзаг рагъхъæдтæм хæлуарджытæ снывæзтой сæ тынтæ. Ердойæ фæтагъди миты дон æмæ къонайы фæнык ныггуыдын.Ныккæрзыдта Кæлимæты зæрдæ. Фæцудыдтой уæрджытæ æмæ къонайы фарсмæ сæ зæронд къæлæтджыныл хауæгау æркодта.Куыд цæрдзæни, цы уыдзæни — уыцы хъуыды схæлбурцъ кодта сæры магъзы. Хæдзарæн хæдзар рахонæн нал и, къуымтæ — ихсыд. Зымæг зымæджы дæргъы рынчынæй, йæ уатыл хуысгæйæ, фæндтæ кодта, уалдзæджы куыд бабæстон кæндзæн сæ хæдзары хъуыддæгтæ æмæ цалынмæ удыгас уа, уæдмæ ахуыссын кæй нæ бауадздзæн йæ фыды къонайы арт.Гаглойты Владимиры роман "Гъе-мардзæ исчи!"-мæ гæсгæ.Дарддæр аудиочиныгмæ хъусут Sputnik Хуссар Ирыстоны.
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2023
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, радио иронау , истори, аудио
хуссар ирыстоны, радио иронау , истори, аудио
Кæлимæт æгас зымæджы йæ уат нал систа. Мит куы батад æмæ хуры тынтæ парахатæй куы ’рындæвтой, уæд сыстад. Уаноты хæдзары фæстæ дурыл сбадт æмæ æрхæндæгæй йæ цæст нал иста сæ хæдзарæй. Æниу ма цæй хæдзар! Зымæджы уæззау мит нæ баурæдта хæдзары зæронд, æмбыд сæр, ныккалд. Æмæ хæдмæл бæхы стæгдары фæрсчытау зыны. Кæрты змæлæг ничи ис. Йæ зæрдæ суынгæг чызгæн. Лæдзæджы æнцæйтты ныххылд сæхимæ. Æрлæууыд кæрты. Сæ хæдзары дуар — дзуарæвæрд хъилтæй хуыд. Кæрт змæстытæ, æнæфснайд. Лæдзæг бахъил кодта къулыл, уæлкъæсæрæй æриста уисой æмæ сындæггай бафснайдта кæрт. Уый фæстæ рафтыдта хæдзары дзуарæвæрд хъилтæ æмæ бакодта дуар. Бирæ рæстæджы йæ бон хæдзармæ бахизын нæ баци. Хæдзары къуымтæй йыл раулæфыд æнахуыр уазал. Астæрды сыджыт алырдыгæй уырытæ скалдтой. Къонайы рæхысæй суанг цары сæгæйдзаг рагъхъæдтæм хæлуарджытæ снывæзтой сæ тынтæ. Ердойæ фæтагъди миты дон æмæ къонайы фæнык ныггуыдын.
Ныккæрзыдта Кæлимæты зæрдæ. Фæцудыдтой уæрджытæ æмæ къонайы фарсмæ сæ зæронд къæлæтджыныл хауæгау æркодта.
Куыд цæрдзæни, цы уыдзæни — уыцы хъуыды схæлбурцъ кодта сæры магъзы. Хæдзарæн хæдзар рахонæн нал и, къуымтæ — ихсыд. Зымæг зымæджы дæргъы рынчынæй, йæ уатыл хуысгæйæ, фæндтæ кодта, уалдзæджы куыд бабæстон кæндзæн сæ хæдзары хъуыддæгтæ æмæ цалынмæ удыгас уа, уæдмæ ахуыссын кæй нæ бауадздзæн йæ фыды къонайы арт.
Гаглойты Владимиры роман "Гъе-мардзæ исчи!"-мæ гæсгæ.
Дарддæр аудиочиныгмæ хъусут Sputnik Хуссар Ирыстоны.
