https://sputnik-ossetia.com/20230115/26koser-20784237.html
26. КОСЕР
26. КОСЕР
Sputnik Хуссар Ирыстон
Фыдуд кæны уæззау сагъæсты Габо, цалдæр азы размæ нысан ныууагъта Æхсæныхъæуккаг Хъараты Борсæйы чызг Косермæ. Борсæ — мулк æмæ кадыл мард. Йæхицæй мæгуырдæрты... 15.01.2023 мӕ, Sputnik Хуссар Ирыстон
2023-01-15T14:11+0300
2023-01-15T14:11+0300
2023-01-15T14:11+0300
гъе-мардзæ, исчи!
хуссар ирыстоны
радио иронау
истори
https://cdnn1.img.sputnik-ossetia.ru/img/07e6/0c/1e/20784042_0:0:1445:812_1920x0_80_0_0_d7af7bdaad2cd7c0dbc16b204fc12c2e.png
26. КОСЕР
Sputnik Хуссар Ирыстон
26. КОСЕР
Фыдуд кæны уæззау сагъæсты Габо, цалдæр азы размæ нысан ныууагъта Æхсæныхъæуккаг Хъараты Борсæйы чызг Косермæ. Борсæ — мулк æмæ кадыл мард. Йæхицæй мæгуырдæрты æнæсæрæн, ницæйæгтæй тыдта, йæхицæй хъæздыгдæртæн та — мæнæй лæгдæр цæмæн сты, зæгъгæ, сæ мæлæтмæ бæллыд. Нæ нымадта лæгыл Габойы дæр æмæ йын нæ лæвæрдта йæ чыздæы.Фæлæ чызг лæгдыхæй сыстад йæ фыды ныхмæ... Фыд нæ ныббыхста йæ чыздæы къæйныхдзинад æмæ йыл дуæрттæ сæхгæдта йæ уаты. Косер æгаддзинад не ’рхаста йæ сæрмæ æмæ, мæ удыл мæ бар цæуы, зæгъгæ, йæхи куы ’рцауындзид. Удмидæг ма йæ ауындзæнæй æристой. Борсæйæн иунæг чызг — уымæй дæр фæтарст, йæ кадыл къæм куы абада, зæгъгæ, æмæ чыздæы фыддæрадæн лæппуйæ стыр ирæд æрдомдта: фараст галы, æхсæз хъудæы, бæх æд саргъ, дæс æмæ ссæдз фысы, цæдæдæинаг æрхуыаг, сыгъзæрин донытылд æхсаргард æмæ хъама, стæй дæс туманы та æхцайæ. Борсæ æнхъæл уыд: ахæм стыр ирæд бафидын йæ бон нæ бауыдзæн Габойæн, æфсон æй фæуыдзæн æмæ йæ чыздæы йæхи æмсæр æндæр искæй фыртæн ратдзæн.Борсæ йын фыддæрадæн ми кæй бакодта, уый æмбæрста Габо, ныххудинаг æй кæна — æрхъавыд æм уымæ. Ирæды тыххæй йын йæ уарзон чыздæы æндæр исчи куы ахæсса — комбæсты хъалтæ йыл скæндзысты къуыппæнзарæг æмæ йын уæд цæргæбонтæм æддæмæ ракæсæн нали. Уыцы худинаг лæппу йæ сæрмæ не схаста, æмæ дзы Борсæ ирæдæн цы æрдомдта, ууыл, тудæы аргъ фидæгау, сразы.Уæдæй нырмæ рацыдис дæс азы, уæдæй нырмæ лæппу хæдзайраг нал у, нал ын æхсæв ис, нал бон. Уæззау æфсондзы сифтыгъта йæхи æмæ, хуымон галау, кусы, хæдзары ницыуал баззад, фæлæ, марадз зæгъ, нырма йе ’мбис дæр нæ ахицæн ирæдæн.Гаглойты Владимиры роман "Гъе-мардзæ исчи!"-мæ гæсгæ.Дарддæр аудиочиныгмæ хъусут Sputnik Хуссар Ирыстоны.
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2023
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, радио иронау , истори, аудио
хуссар ирыстоны, радио иронау , истори, аудио
Фыдуд кæны уæззау сагъæсты Габо, цалдæр азы размæ нысан ныууагъта Æхсæныхъæуккаг Хъараты Борсæйы чызг Косермæ. Борсæ — мулк æмæ кадыл мард. Йæхицæй мæгуырдæрты æнæсæрæн, ницæйæгтæй тыдта, йæхицæй хъæздыгдæртæн та — мæнæй лæгдæр цæмæн сты, зæгъгæ, сæ мæлæтмæ бæллыд. Нæ нымадта лæгыл Габойы дæр æмæ йын нæ лæвæрдта йæ чыздæы.
Фæлæ чызг лæгдыхæй сыстад йæ фыды ныхмæ... Фыд нæ ныббыхста йæ чыздæы къæйныхдзинад æмæ йыл дуæрттæ сæхгæдта йæ уаты. Косер æгаддзинад не ’рхаста йæ сæрмæ æмæ, мæ удыл мæ бар цæуы, зæгъгæ, йæхи куы ’рцауындзид. Удмидæг ма йæ ауындзæнæй æристой. Борсæйæн иунæг чызг — уымæй дæр фæтарст, йæ кадыл къæм куы абада, зæгъгæ, æмæ чыздæы фыддæрадæн лæппуйæ стыр ирæд æрдомдта: фараст галы, æхсæз хъудæы, бæх æд саргъ, дæс æмæ ссæдз фысы, цæдæдæинаг æрхуыаг, сыгъзæрин донытылд æхсаргард æмæ хъама, стæй дæс туманы та æхцайæ. Борсæ æнхъæл уыд: ахæм стыр ирæд бафидын йæ бон нæ бауыдзæн Габойæн, æфсон æй фæуыдзæн æмæ йæ чыздæы йæхи æмсæр æндæр искæй фыртæн ратдзæн.
Борсæ йын фыддæрадæн ми кæй бакодта, уый æмбæрста Габо, ныххудинаг æй кæна — æрхъавыд æм уымæ. Ирæды тыххæй йын йæ уарзон чыздæы æндæр исчи куы ахæсса — комбæсты хъалтæ йыл скæндзысты къуыппæнзарæг æмæ йын уæд цæргæбонтæм æддæмæ ракæсæн нали. Уыцы худинаг лæппу йæ сæрмæ не схаста, æмæ дзы Борсæ ирæдæн цы æрдомдта, ууыл, тудæы аргъ фидæгау, сразы.
Уæдæй нырмæ рацыдис дæс азы, уæдæй нырмæ лæппу хæдзайраг нал у, нал ын æхсæв ис, нал бон. Уæззау æфсондзы сифтыгъта йæхи æмæ, хуымон галау, кусы, хæдзары ницыуал баззад, фæлæ, марадз зæгъ, нырма йе ’мбис дæр нæ ахицæн ирæдæн.
Гаглойты Владимиры роман "Гъе-мардзæ исчи!"-мæ гæсгæ.
Дарддæр аудиочиныгмæ хъусут Sputnik Хуссар Ирыстоны.
