Цхинвайлаг уæзисджытæ райстой фондз призон бынаты РЦИ-Аланийы фыццагады

© Flickr.comЦхинвайлаг уæзисджытæ райстой фондз призон бынаты РЦИ-Аланийы фыццагады
Цхинвайлаг уæзисджытæ райстой фондз призон бынаты РЦИ-Аланийы фыццагады - Sputnik Хуссар Ирыстон, 1920, 17.01.2023
Бафыссын
НовостиTelegram
ЦХИНВАЛ, 17 янв – Sputnik, Гæбæраты Элина. Хуссар Ирыстоны уæзисджытæ рамбылдтой фондз майданы Цæгат Ирыстоны фыццагады 13-17 азы кары фæсивæды æхсæн.
"Сыгъзæрин майдантæ рамбылдтой Багаты Александр (67 кг), Кæсæбиты Арсен (73 кг), Багаты Георгий (102 кг). Æвзист призертæ ссисты Уалыты Сослан (61 кг), Пæррæстаты Хасан (73 кг) æмæ Багаты Давид (102 кг). Бронзæ райстой Багаты Давид æмæ Болататы Леван. Афтæмæй, нæ спортсментæ рамбылдтой æртæ сыгъзæрин, æртæ æвзист æмæ дыууæ бронзæйон майданы", - фехъусын кодта тренер Кæсæбиты Александр.
Уыдон уыдысты æвзарæн ерыстæ Уæрæсейы фыццагадмæ, кæцы райдайдзæн 2023 азы февралы Санкт-Петербурджы. Хуссарирыстойнаг командæйæ æвзарæн ерысты фæстиуæгæн Уæрæсейы фыццагады ралæудзæн Багаты Александр 67 килограммы уæзы категорийы.
"Кусдзыстæм дарддæр, цæмæй æрхæссæм ноджы фылдæр майдантæ", - банысан кодта тренер.
Тренер бузныг загъта уæззау атлетикæйы сывæллæтты-æрыгæтты спортивон скъолайы директор Тасойты Олег æмæ спорткомплекс "Олимп"-ы сæргълæууæг Табуты Робертæн æххуысы тыххæй.
Ног хабӕртты лентӕ
0